KQZ regjistron si kandidat, Qazim Sejdinin dhe Safet Gjiçin

Komisioni Qendror i Zgjedhjeve në mbledhjen e ditës së sotme shqyrtoi disa projekt-vendimin të rëndësishme.
KQZ shqyrtoi projkt- vendimin "Për regjistrimin e kandidatëve për kryetar bashkie të propozuar nga koalicioni "Aleanca për Shqipërinë Europiane", për zgjedhjet për organet e qeverisjes vendore të datës 21 qershor 2015", ku vendosi regjistrimin e Qazim Sejdini, si kandidat për Bashkinë Elbasan, Safet Gjici, si kandidat për Bashkinë Kamës, Dritan Leli, si kandidat për Bashkinë Vlorë.
Po ashtu, KQZ shqyrtoi dhe Projekt-vendimin, "Për regjistrimin e kandidatëve për këshillat bashkiakë të propozuar nga zgjedhësit, për zgjedhjet për organet e qeverisjes vendore të datës 21 qershor 2015" për kandidatët, Agim Kacani, si kandidat i propozuar nga zgjedhësit për këshillin e Bashkisë Korçë dhe Gjergj Paluca, si kandidat i propozuar nga zgjedhësit për këshillin e Bashkisë Kamëz.
Gjithashtu, KQZ shqyrtoi dhe Projekt-vendimin, "Për lirimin dhe emërimin e disa anëtarëve të KZAZ-ve për oranet e qeverisjes vendore, të datës 21 qershor 2015". Komisioni Qendror i Zgjedhjeve shqyrtoi raportin e auditit teknicien, z.Armand Teliti, "Mbi verifikimin e veprimeve në bazën e të dhënave të Regjistrit Kombëtar të Gjendjes Civile, Maj 2015", në zgjedhjet për organet e qeverisjes vendore të datës 21.06.2015". KQZ, vendosi që raportin e z. Armnad Teliti, së bashku me gjetjet dhe rekomandimet, t'ia përcjellë Prokurorisë së Republikës së Shqipërisë. /atsh/
 
 

TAG:
• kqz