POP 5

Lajmet më të lexuara të 5 minutave të fundit

Arkiva

KQZ, rezultatet përfundimtare
shtyhen për pasnesë

Komisioni Qendror i Zgjedhjeve i ka shtyrë për në datën 3 korrik projektvendimet për nxjerrjen e rezultatit të votimit në disa zona zgjedhore në 6 qarqe të ndryshme të vendit. Ndërsa nesër në orën 12:00 do të hapen kutitë e kzaz 80 së Gjirokastrës. Vëmendja e KQZ u përqendrua te qarku i Kukësit.
TIRANË - Komisioni Qendror i Zgjedhjeve i ka shtyrë për nesër dhe pasnesër projektvendimet për nxjerrjen e rezultatit të votimeve në disa zona zgjedhore në 6 qarqe të ndryshme të vendit. Pikërisht në Gjirokastër, Kukës, Dibër, Korçë, Vlorë dhe Berat.

Në mbledhjen e sotme u miratua me një akt, që nesër në orën 12:00 të hapen kutitë e kzaz 80 në Gjirokastër dhe të vazhdojë procesi i numërimit të votave. Ndërsa për 5 qarqet e tjera është lënë të shqyrtohet dhe diskutohet pasnesër. Këto janë vendimet e sotme të KQZ edhe pse pritej pikërisht sot që pas daljes së rezultateve në qarqe, atëherë KQZ të jepte edhe rezultatin përfundimtar.

DISKUTIMI PËR KUKËSIN
Vëmendja e KQZ nisi të përqendrohej sot fillimisht te qarku i Kukësit, pasi rezultati atje është i ngushtë. Përfaqësuesi i PS, Genci Gjonçaj ka kërkuar që kjo çështje të shtyhej dhe shqyrtohej në një seancë tjetër për shkak të mospërputhjes të të dhënave tona me të dhënat e KQZ dhe na duhet kohë t’i verifikojmë, pasi puna voluminoze kërkon përqendrim".
 
Përfaqësuesi i PD, Njazi Kosovrasti ka kundërshtuar mënyrën se si justifikohet kërkesa. "Kontrolli i shifrave nuk ka të bëjë me rezultatin e ngushtë. O është i saktë ose jo. Tabelat janë, të mblidhen shifrat. Koha deri tani ka qenë e tepërt", u shpreh ai.
 
Anëtari i KQZ, Hysen Osmanaju shpreh se kemi qenë të angazhuar për të nxjerrë tabelat përmbledhëse e kemi nisur me Kukësin. "48 orë pas ardhjes së materialit zgjedhor KQZ krahason të gjitha tabelat përmbledhëse të zonave zgjedhore dhe zaz-ve. KQZ atë po bën; krahason gjithë rezultatet origjinale, kemi gjetur gabimet. Për Kukësin jemi mbledhur të premten, rezultati është i ngushtë. Por ka pasur kohë plot për ballafaqimin e rezultateve të çdo tabele votimi me tabelën përmbledhëse".

Sipas Osmanaj, "nëse shtyhet nxjerrja e rezultatit, duhet të shtyhet për të gjitha jo vetëm për Kukësin, se dikush do për Korçën, Dibrën. U bëj thirrje forcave poltike ta mbyllim procesin me sukses se deri tani ka ecur shumë mirë".
 
Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

Aksident i rëndë në Lezhë, ‘Audi’ humb kontrollin dhe merr para 5 mjete të parkuara! Plagoset drejtuesi

11 Janar, 07:40