Krasniqi: Dyndje biznesmenësh
për deputetë dhe pak akademikë

TIRANE - Dalja e listave të kandidatëve reflektoi deri diku krizën ku ndodhet shoqëria shqiptare dhe sidomos jeta politike ne Shqipëri. Këtë ka nxjerrë në pah politologu Afrim Krasniqi në një intervistë për "A1Report!". Ai theksoi shqetësimin që për herë të parë në këtë parlament kemi një numër minimal njerëzish nga bota akademike dhe dyndje të biznesit për shkak të politikës.

“Nuk kemi asnjnjë prurje të re nga njërëzit me kontribute publike dhe akademike, ndërkohë që kemi dyndje të njerëzve që kanë krijuar biznese për shkak të politkës dhe mbijetojnë për shkak të politikës.

Së dyti, dominoi praktika e anashkalimit të strukturave partiake. Vendimet duhet të merreshin nga struktura e partisë politike, këshilli kombëtar etj. Por kjo nuk ndodhi me asnjë parti politike.

Së treti, dominoi tërësisht injorimi i meritave në karrierën politike. Një numër të madh politikanësh kanë pasur një karrierë të gjatë politike, ndoshta nuk kanë prurë ndonjë dobi të madhe publike.

Së fundmi, sa më të ashpër janë treguar kryetarët e partive me njërëzit e tyre, me strukturat, me parimet e demokracisë, meritokracisë etj. aq më të ashpra kanë qenë edhe reagimet nga grupe të tjera të pakënaqura”.

(Foto: Afrim Krasniqi duke folur per tv A1 REPORT)

Ndërsa i pyetur për parregullsitë në listat e kandidatëv të partivë që aktualisht KQZ po merr në shqyrtim Krasniqi tha se ky është trend i për të qenë deputet edhe miratime për shkak të ofertave financiare.

“Për hërë të parë në Shqipëri KQZ u ndodh në një pozitë të vështirë kur rreth 22 kandidatë figurojnë në rreth dy tre parti politike. Janë njerëz që në moment të fundit kanë dhënë miratimn në lista të ndryshme për shka të ofertave financiare që kanë pasur.

 Siç edhe kemi për herë të parë dyndje të familjeve në politikë. Ne kemi të paktën shtatë raste publike ku në listën e kandidatëve me shanse për të përfituar në parlament janë përfaqësues të familjeve në dy partitë rivale politike, cka do të thotë familjet kanë rënë dakord që të kenë përfaqësuesit ë tyre në parlament dhe pastaj kanë kërkuar edhe partinë edhe organizmin se si ta sigurojnë këtë gjë dhe kjo është një devijim I madh nga ajo që quhet përfaësimi politik dhe tradicioinal i meritokracisë dhe aftësive në Shqipëri.

Krasniqi nuk ka ngurruar të shprehë pësimizmin në totalin e ardhshmërisë së zgjedhjeve të 23 qershorit, jo vetëm nëpërmjet retorikës së ashpër, por edhe eleminimit të politikanëve të karrierës.

“Me këtë lloj sistemi ne pamë se si një parti me katër deputetë vendos fatet e jetës politike të vendit , por imagjinoni sikur një parti me këto lloj katër pesë deputëtë t'i përdorë këto mandate për shërbime publike. Unë personalisht e shoh me pak pesimizëm sepse për herë të parë kemi kalimin e tre deputetëve të majtë në vende të sigurta tek e djathta dhe eleminimin e disa politikanëve të karrierës.”

Redaksia online
(ar.sh/shqiptarja.com)

TAG:
• kqz