POP 5

Lajmet më të lexuara të 5 minutave të fundit

Ekonomi

Kredia e bankave të nivelit të dytë
shënon rënien më të lartë

Viti 2013 rezulton të jetë viti më i keq përsa i përket financimit të ekonomisë nga institucionet bankare në vend, që nga fillimi i viteve 2000, kur sistemi bankar filloi të zhvillohej vrullshëm.
TIRANE - Viti 2013 rezulton të jetë viti më i keq përsa i përket financimit të ekonomisë nga institucionet bankare në vend, që nga fillimi i viteve 2000, kur sistemi bankar filloi të zhvillohej vrullshëm. Bankat janë përqendruar vetëm në kthimin e kredive dhe sidomos në rikuperimin e atyre me probleme, duke e ndërprerë tërësish huadhënien për bizneset apo individët.

Stoku i huasë për ekonominë ka shënuar rënien më të thellë mujore në korrik, që nga viti 2002 kur Banka e Shqipërisë raporton të dhënat, bëhet e ditur nga statistikat e fundit të institucionit monetar qendror. Kredia për ekonominë zbriti me 9.4 miliardë lekë, apo 1.7% në 547.8 miliardë lekë në korrik, në raport me qershorin e këtij viti. Një rënie në këto nivele nuk është konstatuar asnjëherë në dekadën e fundit. Tkurrja më e thellë, sipas statistikave të Bankës së Shqipërisë, deri tani ishte konstatuar në qershor 2009, me rreth 5 miliardë lekë.

Në raport me dhjetorin 2012, kredia për ekonominë është tkurrur me 6.8 miliardë lekë, apo 1.2%. Një vit më parë ndryshimet përkatëse ishin plus 10.7 miliardë lekë dhe plus 2%. Ndryshimi vjetor (korrik 2013/korrik 2013) është minus 4.7 miliardë lekë, apo gati minus 1 për qind. Një vit më parë ndryshimet përkatëse ishin plus 36 miliardë lekë dhe plus 7%.

Tkurrja e kredisë për korporatat në valutë ishte arsyeja kryesore që ndikoi në këtë performancë kaq negative në korrik, duke shënuar një rënie me 8.6 miliardë lekë, në 243.2 miliardë lekë. Ndërkohë, huaja në lekë nuk shënoi rritje as për biznesin e as për individët.

Bankat kanë cilësuar si shkaktar të ndërprerjes së kreditimit nivelin e lartë të huave me probleme, që po i afrohet 25 përqindëshit, më i larti në rajon. Në mungesë të kreditimit, ato po i investojnë fondet e lira në blerjen e letrave me vlerë të qeverisë.

Shkrimi u botua sot në Gazetën Shqiptarja.com (print) 31.08.2013
 
Rdaskia Online
(b.m/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Ngecën në rrugën e vjetër Korçë - Ersekë, policia u shkon në ndihmë 13 qytetarëve

Ngecën në rrugën e vjetër Korçë - Ersekë, policia u shkon në ndihmë 13 qytetarëve

12 Janar, 23:13