Kreu i Bashkisë Veliaj: Tiranës
do t’i shtohen 30 shkolla të reja

Kreu i Bashkisë Veliaj: Tiranës<br />do t’i shtohen 30 shkolla të reja
Kryeqytetit do t’i shtohen 30 shkolla të reja. Lajmi u dha nga kreu i Bashkisë Erion Veliaj, i cili gjatë një takimi elektoral në zonën e Kasharit u shpreh se qeveria ka aprovuar projektin e bashkëfinancimit me Bashkinë për ndërtimin e shkollave të reja në Tiranë.

 “Qeveria shqiptare, kryeministri ynë Edi Rama sapo aprovoi projektin e bashkëfinancimit me Bashkinë e Tiranës për 30 shkolla të reja, nga të cilat dy 9-vjeçare dhe një e mesme do ndërtohen në zonën Kashar-Yzberisht-Kombinat. Pra 3 shkolla të reja, aq sa ka kërkuar vetë komuniteti këtu”, tha Veliaj.

Kryebashkiaku Veliaj kërkoi mbështetjen e qytetarëve të Tiranës për në 25 qershor në mënyrë që të vijojë mbështetje e pushtetit qendror për investimet në Tiranë. Veliaj deklaroi se brenda një vit e gjysmë, Bashkia e Tiranës ka ndërtuar një numër të madh kopshtesh dhe çerdhesh, të cilat nuk u ndërtuan gjatë kohës së Bashës.

“Vetëm në këtë vit kemi rikonstruktuar 30 çerdhe në Tiranë, aq sa po ndaj me kryeministrin para ca ditësh dhe ambasadori francez më tha një ditë, e hoqa nga një çerdhe private, e çova në një çerdhe publike, jo për çmimin, por sepse pashë se si trajtohej, se çfarë cilësie kishte infrastruktura, pashë se si ushqehej. Partitë tona s’janë njësoj, një parti që bëri 11 vjet çerdhe me Edi Ramën, një parti që prapë bën çerdhe sot me bashkinë e re të socialistëve dhe një parti tjetër që për katër vite s’ndërtoi asnjë çerdhe. Ne kemi bërë 36 kopshte në vetëm një vit e gjysmë”, tha Veliaj.

Duke u ndalur tek banesat sociale, Veliaj deklaroi se ndryshe nga administrata Basha që i bllokoi, brenda një kohe të shkurtër u mundësua shpërndarja e tyre tek njerëzit në nevojë. Gjithashtu Veliaj theksoi se Bashkia do të shpërndajë edhe kreditë e buta për të pastrehët, ndërkohë që gjatë drejtimit të Bashkisë prej Bashës, përfitues ishin vetëm ministrat, deputetët apo drejtorët demokratë.

Redaksia Online
(B.K/Shqiptarja.com)

 

  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Euro 2024/ 'Gjelat këndojnë' në Dusseldorf, Franca fiton 0-1 me vuajtje ndaj Austrisë! Vendos një autogol

Euro 2024/ 'Gjelat këndojnë' në Dusseldorf, Franca fiton 0-1 me vuajtje ndaj Austrisë! Vendos një autogol