POP 5

Lajmet më të lexuara të 5 minutave të fundit

Kronikë

Kreu i SHISH, Helidon Bendo: Ka tendencë për influencë ruse në Shqipëri

Për rreth tre orë, përpara Komisionit të Sigurisë Kombëtare ka raportuar kreu i SHISH, Helidon Bendo. Burime për Report Tv pohuan se Bendo u pyet për influencat ruse në Shqipëri, i cili tha se ka tendencë për rritur ndikimin e Moskës në vendin tonë.

Kreu i Shërbimit Informativ Shtetëror, Helidon Bendo ka raportuar përpara Komisionit të Sigurisë Kombëtare për tre orë mbi veprimtarinë e inteligjencës shqiptare gjatë vitit 2017. Mbledhja u zhvillua me dyer të mbyllura dhe në të morën pjesë vetëm deputetë me certifikatë sigurie.

Burime për Report TV pohojnë se Bendo është pyetur për rrezikun rus në Shqipëri, një ditë pasi Shqipëria, si shumica e vendeve të NATO-s shpalli “non grata” dy diplomatë rusë. Mësohet se Bendo ka mohuar të ketë influenca të qarta ruse në vendin tonë, por ka pranuar se ka tendenca të tilla për të ndikuar në vendin tonë dhe se shërbimi është vigjilent ndaj këtyre çështjeve.

Report Tv ka mësuar gjithashtu se Helidon Bendo u pyet nëse Shërbimi Informativ ka informacion për lidhje të mundshme të politikanëve apo familjarëve të tyre me 613 kg kokainë të kapura në portin e Durrësit. Kreu i SHISH nuk ka dhënë përgjigje të drejtpërdrejtë për këtë pyetje, por është shprehur se sfida me narkotikët është prioritet i Shërbimit Informativ. 

Bendo është pyetur nga opozita nëse eksiton ose jo një raport sekret i shërbimit i cili rendiste 124 drejtues të lartë të policisë së shtetit si të lidhur me trafikun e drogës. Kreu i SHISH as nuk e ka pohuar e as nuk e ka mohuar ekzistencën e një raporti të tillë. 

Këto përgjigje nuk i ka lënë të kënaqur deputetët, të cilët janë shprehur se kreu i SHISH ka dhënë përgjigje prej "delfini", duke iu shmangur dhënies së informacionit të drejtpërdrejtë, ndaj deputetët i kanë përsëritur disa herë pyetje në drejtim të Bendos, duke bërë që mbledhja të zgjaste plot tre orë.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Mirel Josa nuk është më trajneri i Besës! Pas 12 ndeshjesh në drejtim të ekipit kavajas ndërpritet marrëdhënia

Mirel Josa nuk është më trajneri i Besës! Pas 12 ndeshjesh në drejtim të ekipit kavajas ndërpritet marrëdhënia

25 Dhjetor, 16:30