Kreu i sindikatës: Greva e urisë shihet si mundësi nëse nuk kemi përgjigje nga ministrja

Gjatë protestës së naftëtarëve në Tiranë, shumë prej tyre kanë deklaruar se protestat do të shkojnë deri në grevë urie.

Por Kreu i Sindikatës së Naftëtarëve, Sokol Dautaj për Report TV thotë se nuk përjashtohet si mundësi, por fillimisht presin reagimin e ministres së Infrastrukturës dhe Energjitikës.

"Prej 2 javësh ne kishim filluar për të firmosur kontratën. Ne sot gjendemi përpara godinës së ministrisë nga vetë ministre. Normalisht ata mund të heshtin. Përderisa kryeministri e publikoi në faqen e tij atëherë do na plotësohet. Të gjithë naftëtarët janë në kushte të këqija ekonomike. Ne po flasim për mbijetesën e rafinerisë, jo për paratë. Në grevë urie këta të lënë të vdesësh. Nuk përjashtohet si opsion. Ne duam një përgjigje nga ministrja se çfarë do bëhet sot. Unë kam dy fëmijë." - tha Dautaj.

Lajmi kryesor:

Naftëtarët 4 orë protestë në Tiranë, përplasen me policinë para Ministrisë së Infrastrukturës! Balluku s'i pret në takim, protestuesit rikthen në Fier

TAG:
• edi rama
• Protesta
• naftetaret
• rafineria e ballshit
• ilham aljev