TIRANË- Naftëtarët e Ballshit sollën protestën në Tiranë, ndërsa janë përplasur me policinë në përpjekje për të hyrë në ministrinë e Infrastrukturës dhe Energjetikës ku kërkuan takim me ministren Belinda Balluku. Pas 4 orësh proteste ata nuk u pritën nga ministra Balluku duke paralajmëruar se do të hyjnë në grevë urie. Të pranishëm në protestës ishin edhe aktivistë të shoqërisë civile dhe lëvizja për universitetin.
"Të gjithë naftëtarët janë në kushte të këqija ekonomike. Ne po flasim për mbijetesën e rafinerisë, jo për paratë. Në grevë urie këta të lënë të vdesësh. Nuk përjashtohet si opsion. Ne duam një përgjigje nga ministrja se çfarë do bëhet sot. Unë kam dy fëmijë." - tha Dautaj, kreu i Sindikatës së Naftëtarëve. Zëvendësministri Ilir Bejtja pranoi t'i priste në një takim, por ata refuzuan me argumentin se nuk ka kompetencë t'i japë zgjidhje problemit të tyre.
Naftatarët shprehen se gjendja e tyre ekonomike është shumë e vështirë, aq sa kanë marrë dhe lekë borxh për të ardhur deri në Tiranë, për shkak se kanë 11 muaj pa marrë pagat. "Morëm lekë borxh për të marrë autobusin dhe për të ardhur këtu. Këtu do rrimë", tha një tjetër prej tyre.
Protesta u shoqërua herë pas herë me përplasje me policinë, ku tentuar që të çajnë kordonin e Uniformave Blu për të hyrë me forcë në ambientet e Ministrisë, por më pas u qetësua.
Protesta e naftëtarëve mori vëmendje edhe në Kuvend. Nga foltorja, deputetja e opozitës së re, Rudina Hajdari tha akuzoi qeverinë dhe opozitën se po heshtin duke bërë jetë si sheikë, ndërsa naftëtarët po kërkojnë bukën e gojës. Nga ana tjetër, për kreun e grupit Parlamentar të PS-së, Taulant Balla kjo situatë është pasojë e privatizimit kriminal të rafinerisë nga Berisha.
Rafineria e Përpunimit të Naftës në Ballsh ka ndalur punën në shtator të vitit të kaluar dhe rreth 800 naftëtarë kanë mbetur pa punë. Javën e kaluar u duk se u arrit konsensusi, pasi kompania nga Azerbajxhani "Allum" që menaxhon këtë rafineri kishte premtuar nënshkrimin e kontratave të punës me naftëtarët si dhe dhënien e një page mujore. Por asnjëra nga këto nuk ndodhi dhe naftëtarët iu rikthyen protestave.
Një ditë më parë Kryeministri Edi Rama lajmëroi se ka zhvilluar një takim me Presidentin e Azerbajxhanit Ilham Aljev, ku i ka kërkuar zgjidhjen afatgjatë të problemit të krijuar në rafineri nga kompania azere.
Gjatë protestës së naftëtarëve në Tiranë, shumë prej tyre kanë deklaruar se protestat do të shkojnë deri në grevë urie.
Por Kreu i Sindikatës së Naftëtarëve, Sokol Dautaj për Report TV thotë se nuk përjashtohet si mundësi, por fillimisht presin reagimin e ministres së Infrastrukturës dhe Energjitikës.
"Prej 2 javësh ne kishim filluar për të firmosur kontratën. Ne sot gjendemi përpara godinës së ministrisë nga vetë ministre. Normalisht ata mund të heshtin. Përderisa kryeministri e publikoi në faqen e tij atëherë do na plotësohet. Të gjithë naftëtarët janë në kushte të këqija ekonomike. Ne po flasim për mbijetesën e rafinerisë, jo për paratë. Në grevë urie këta të lënë të vdesësh. Nuk përjashtohet si opsion. Ne duam një përgjigje nga ministrja se çfarë do bëhet sot. Unë kam dy fëmijë." - tha Dautaj.
Protestuesit kërkojnë që të takohen me ministren Balluku e për tu sqaruar mbi takimin e saj dhe të kryeministrit Rama me Presidentin e Azerbajxhanit ku sipas tyre u fol dhe për punën e rafinerisë.
Një prej protestuesve thotë se do të qëndrojnë aty derisa të kenë një përgjigje.
"Nuk takohemi me zëvendësministrin Ilir Bejtja. Ministrja të mbaj përgjegjësi. Morëm lekë borxh për të marrë autobusin dhe për të ardhur këtu. Këtu do rrimë. Do ta mendojmë të gjithë së bashku se çfarë do bësh. Të dalësh dhe të thuash publikisht që do të hapet në qershor dhe mos të hapen" - tha një prej protestuesve.
Gjatë protestës, ku nuk kanë munguar përplasjet me policinë, një nga naftëtarët shprehet se gjendja e tyre ekonomike është e rënduar.
"Të na çojnë në burg të hamë një pjatë supë, të paktën do hamë diçka këtu, se kështu po vdesim fare", tha ai.
Situata në protestën e naftëtarëve të Ballshit në Tiranë është tensionuar ku ka pasur dhe konfrontim me policinë.
Protestës i është bashkuar dhe Shoqëria Civile.
Një nga punonjësit e rafinerisë shprehet se kanë 20 paga pa marrë, një paligjshmëri e ka cilësuar ajo. Ajo i ka kërkuar policisë që të heqin uniformën e policisë dhe të mos i ndalojnë të protestojnë.
"20 paga të pa marra. A ka paligjshmëri më të madhe t'i hedhësh punëtorët në mes të rrugës. nuk e di si jetojnë këta punëtor, nuk e di si moshatarët e mirë përballen mes mos edukimit. Policia e Shtetit le ta heqë uniformën, se varën nga taksat tona", tha një nga punonjëset.
Ata shprehen se Ministrja e Infrastrukturës, Belinda Balluku duhet të presë në takim një nga përfaqësuesit e protestës.
"Le ta shkrijnë sot atë kompani nëse del me humbje. I bëj thirrje policisë minimalisht një nga këta të marrë përfaqësuesit tanë dhe ministrja ta presë këtë njeri, nuk është një rrugëtar kalimthi. Turp që në 2020 trokitëm në një derë dhe nuk hapën. ne jemi me ju, dhe ju duhet të na mbështesni. Të vlerësojnë mundin dhe sakrificën që këta naftëtarë kanë 11 muaj që sorrollaten", tha një tjetër.
Protesta e naftëtarëve të Ballshit ka pasur disa tensione. Ato janë përplasur me policinë duke kërkuar që të çajnë kordonin e policinë.
Komente
Lajme të tjera
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
'Erdhi në jetë bebushi i parë', Rama: Krishtlindja këtë vit nisi me një mrekulli të vogël
25 Dhjetor, 12:33 -
'Gëzuar Krishtlindjet', kartolina e krerëve të shtetit, politikës e ndërkombëtarëve për të krishterët! Begaj: Të reflektojmë mbi vlerat më të larta të njerëzimit
25 Dhjetor, 08:09 -
Akuzat e opozitës për mbylljen e TikTok! Rama fiton garën me fansat, 2 milionë pëlqime! Berishën e mund edhe Arlind Qori
24 Dhjetor, 19:58
-
'Thuhet lart e poshtë ‘ai fiton, se opozita është e dobët!’ Rama 'thumbon' kritikët: Ka një arsye kryesore për fitoret e mia...!
24 Dhjetor, 19:53 -
Rama me ambasadorët: Do doja që karrigia e Federatës Ruse të mos ishte bosh, viti tjetër sjelltë paqe në Ukrainë dhe Lindjen e Mesme!
24 Dhjetor, 19:15 -
Rama në darkën me ambasadorët për festat e fundvitit: Shqipëria nuk ka plan B, vetëm anëtarësimin në BE! Presidenti i ri i SHBA-ve sjell mundësi të reja
24 Dhjetor, 18:26 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Çiklizëm/ 'Giro d’Italia' 2025 fillon nga Shqipëria me tre etapa, Rama: Garohet në Tiranë, Durrës dhe Vlorë! Ndiqet nga 800 milionë njerëz (Itinerari)
23 Dhjetor, 13:07 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21
E mor Sali Berisha, çfare I bere vendit e shite Rafinerine e Ballshit tek Taci, si ka mundesi qe nje pasuri kombetare shitet tek privati, tu befshin ilaqe per kalamajt dhe niper e mbesa leket qe I vodhet popullit
Përgjigju