POP 5

Lajmet më të lexuara të 5 minutave të fundit

Politikë

Krifca: 14.2 miliardë lekë për Bujqësinë, dyfishim nga vitet e qeverisjes së djathtë

Krifca: 14.2 miliardë lekë për Bujqësinë, dyfishim nga vitet e qeverisjes së djathtë

1668019229_3150953425642053788455939186449163167274103n.jpg

“Buxheti që adreson sot qeveria në mbështetje të fermerëve, bujqësisë dhe zhvillimit rural është dyfish më lartë nga ajo që financonte dje qeveria e djathtë”.

Kështu deklaroi sot gjatë fjalës së saj në Kuvend, ministrja e Bujqësisë dhe Zhvillimit Rural Frida Krifca, gjatë diskutimit të projektbuxhetit 2023, teksa iu referuar shifrave të buxhetit në dispozicion të sektorit të bujqësisë nga qeveria e djathtë që ishin mesatarisht në 5,9 miliardë lekë, ndërsa sot buxheti për bujqësinë është rritur në 14.2 miliardë lekë.

“Ju ofronit më pak se gjysma e buxhetit që adreson sot qeveria socialiste. Për sektorin e bujqësisë, këtij sektori që ju i qani hallin me fjalë, por kur e keni në dorë vendimmarrjen, bëni të kundërtën. Jepni vetëm gjysmën e buxhetit që vëmë ne në dispozicion. Prandaj atëherë eksportet bujqësore ishin 149 milionë dollarë dhe sot vetëm për këtë vit në 10- mujor kemi shkuar në 441 milionë dollarë”, tha ministrja.

“Për ta ilustruar këtë fakt të nderuar fermerë, se si qeveria e djathtë përballte krizën e ekonomisë nisur në 2008, buxheti i alokuar nga qeveria e djathtë në vitin 2009, i jepte bujqësisë një buxhet prej 6.6 miliardë lekë dhe mbështetje për fermerët prej 1.4 miliardë lekë. Ndërkohë Qeveria socialiste në vitin 2022 i ka dhënë bujqësisë 13.7 miliardë lekë dhe fermerëve mbështetje me 7.1 miliardë lekë, nga të cilat 4.9 miliardë mbështetje e drejtpërdrejtë”, deklaroi Krifca.

Ministrja tha se, projektbuxheti i vitit 2023 për Ministrinë e Bujqësisë dhe Zhvillimit Rural prej 14.2 miliardë lekë apo 12% më i lartë se buxheti fillestar i parashikuar në planifikimin buxhetor afatgjatë.

“Përsëri me rritje nga buxheti i këtij viti, kjo sepse ne jemi të përgjegjshëm. Jemi koherent. Nevoja sot thërret për ta mbështetur bujqësinë për të rezistuar ndaj rritjes së kostove të prodhimit, për të përballuar shkëputjen e hallkave të zinxhirit furnizues. Por ne e themi atë që bëjmë dhe bëjmë atë që themi. Duke buxhetuar dhe duke mbështetur”, tha ministrja.


Lajmi kryesor:

Kuvendi seancë maratonë për projektbuxhetin 2023! Rama: Ulim borxhin, rrisim ekonominë dhe mbrojmë familjet! PD: Buxheti i varfërisë dhe krizës
G.MO/Shqiptarja.com
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46