POP 5

Lajmet më të lexuara të 5 minutave të fundit

Kronikë

Krijohet Agjencisë Kombëtare e
Zonave të Mbrojtura, 224 persona

Këshilli i Ministrave ka miratuar sot vendimin për krijimin e Agjencisë Kombëtare të Zonave të Mbrojtura. Sipas drejtoreshës së Biodiversitetit në Ministrinë e Mjedisit, Odeta Çato, kjo agjenci do të ndikojë ndjeshëm në mbrojtjen dhe menaxhimin e zonave të mbrojtura si dhe menaxhimin e mbetjeve në vendin tonë. VIDEO
Këshilli i Ministrave ka miratuar sot vendimin për krijimin e Agjencisë Kombëtare të Zonave të Mbrojtura. Sipas drejtoreshës së Biodiversitetit në Ministrinë e Mjedisit, Odeta Çato, kjo agjenci do të ndikojë ndjeshëm në mbrojtjen dhe menaxhimin e zonave të mbrojtura si dhe menaxhimin e mbetjeve në vendin tonë.

“Rrjeti përfaqësues i zonave të mbrojtura kërkon një autoritet funksional për menaxhimin dhe administrimin e zonave të mbrojtura. Së bashku me përpjekjet për zgjerimin e sipërfaqes së tyre, u pa e nevojshme të merren masa për të ngritur dhe forcuar kapacitetet e strukturave menaxhuese përkatëse”, deklaroi Çato.

Ndërkohë shërbimet e kësaj agjencise, do të sigurojnë të ardhura të larta në zonat e mbrojtura me potencial të lartë vizitorësh vendas dhe të huaj.

Agjencia Kombëtare e Zonave të Mbrojtura do të ketë një staf prej 224 personash, nga të cilët 21 në zyrën qendrore dhe 203 në Administrata Rajonale të Zonave të Mbrojtura, duke krijuar vende të reja pune.

Agjencia ka detyrë funksionale të menaxhojë rrjetin e zonave të mbrojtura dhe rrjeteve të tjera natyrore si Natura 2000 sipas planeve te menaxhimit te hartuara, të monitorojë dhe inventarizojë florën dhe faunën në këto zona, dhe një aspekt shumë i rëndësishëm, të gjenerojë të ardhura nga shërbimet ndaj të tjerëve, dhe t’i përdorë këto të ardhura për të investuar në po këto zona. Me këtë vendim Shqipëria i bashkohet edhe vendeve të tjera të Ballkanit, të cilat prej kohësh kanë struktura të tilla.
 

Redaksia Online
(g.f/Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Procesi/ Presidenti dhe kriminel i dënuar, vendimi historik ndaj Trump për rastin e yllit porno

Procesi/ Presidenti dhe kriminel i dënuar, vendimi historik ndaj Trump për rastin e yllit porno

11 Janar, 08:26 nga Massimo Basile