TIRANE - Nëntëmbëdhjetë media shqiptare krijuan këtë të mërkurë Aleancën për Media Etike, qëllimi i të cilës është luftimi i piraterisë, informacioni korrekt, etik dhe profesional përmes formulës së vetërregullimit.
Me iniciativë të Këshillit të Medias, mbështetur nga Bashkimi Evropian, UNESCO, Këshilli i Europës dhe ambasada holandeze në vendin tonë, kjo aleancë do të zgjedhë një bord etik me përfaqësi të mediave pjesë të aleancës, jurist, përfaqësues nga Departamenti i Gazetarisë në Fakultetin e Histori-Filologjisë dhe vetë Këshillit të Medias.
Çdo media online dhe audio-vizive do të identifikohet me një logo që tregon 'certifikimin' nga Aleanca për Media Etike. Të gjithë qytetarët që pretendojnë se janë sulmuar në shkrime të botuara nga 19 mediat e Alencës, apo se ka përmbajtje që cenojnë etikën kanë mundësinë për të adresuar shqetësimin e tyre. Ankesat do të merren në shqyrtim nga redaksitë përkatëse, e nëse do të jetë e nevojshme do të kalojnë në 'gjykimin' e Bordit të Etikës ku vendimi duhet të merret me 3/5. Megjithatë, kreu i Këshillit të Medias, Koloreto Cukali, tha se në çdo rast të pazgjidhur mes ankuesve dhe Bordit, fjalën e fundit do ta thotë gjykata.
19 media, mes të cilave edhe Shqiptarja.com dhe Report Tv, dakordësohen për të respektuar të drejtën e autorit, përmes nenit 80 ligji 35/2016 sipas të cilit, shkrimet nuk mund të riprodhohen pa autorizimin e autorit.
I pranishëm në prezantimin e kësaj aleance, ambasadori i Bashkimit Evropian në Shqipëri, Luigi Soreca, tha se përmes vetërregullimit, gazetarët do të shkojnë drejt profesionalizmit, besueshmërisë dhe lirisë së fjalët. Kjo aleancë sipas kryediplomatit është në kohën e duhur, duke iu referuar edhe faktit që debati për nismën ligjore të qeverisë është ende i hapur, përsakohë paketa-antishpifje pret opinionin e Komisionit të Venecias me shpresën për të reflektuar rekomandimet e Këshillit të Europës, siç ai u shpreh.
"Ne e konsiderojmë vetërregullimin si një hap shumë të rëndësishëm i cili do të promovojë cilësinë e informacionit do të luftojë dizinformin dhe shpifjen, ndërkohë që do të ruajë dhe lirinë editoriale dhe do të fuqizojë kredibilitetin e medias. Vetërregullimi është po ashtu mënyra që gazetarët të përfitojnë pronësinë e standardeve të tyre profesionale duke e bërë këtë gjë vetë pa përfshirë, qeverinë, partitë apo influencave të tjera. Kjo është një iniciativë që ka ardhur në kohën e duhur, ndërkohë ligji i medias është në diskutim dhe sipër. Kemi kërkuar që kjo iniciativë të marrë parasysh dhe rekomandimet e Këshillit të Evropës dhe në veçanti të jetë në harmoni me standardet e lirisë së shprehjes, një gjë që ende duhet siguruar. Është e rëndësishme që ky debat të jetë i hapur dhe ne do çojmë fort zërin tonë", tha Soreca.
Bordi Etik i do të ketë 5 anëtarë ndërsa “Aleanca për Media Etike” do të drejtohet me rotacion për çdo periudhë kohore gjashtë mujore. 2. Detyrat e sekretarisë teknike të “Aleancës së Gazetarisë Etike” i kryen Këshilli Shqiptar i Medias. Marrëveshja pritet të zgjerohet edhe me përfshirjen e mediave të tjera, ndërsa efektet juridike i shtrin për një afat kohor të pacaktuar.
Lajme të tjera
-
Anastas Janullatos, engjëll apo djall? Esencë-Report Tv
22 Dhjetor, 21:01
-
'Klinika 24' në REPORT TV/ Mjekja neurologe: Lojërat logjike përmirësojnë dhe rrisin ndjeshëm kujtesën!
21 Dhjetor, 22:13 -
'Esencë' në REPORT TV/ Sigurimi i Shtetit, si i spiunonte Sabiha Kasimatin, Çabejn, Budën, Gjadrin, Pipën, Kamsin, Kokoshin, Peppon, Qafokun etj…
21 Dhjetor, 20:32
-
Shkatërrimi, shkëlqimi dhe historia e Flotës Detare Shqiptare! Esencë-Report Tv
20 Dhjetor, 21:26
-
Presidenti Begaj: Media profesionale po sfidohet nga lajmet e rreme! Përdorni pushtetin me përgjegjësi, jepni dhe zërin e qytetarisë
19 Dhjetor, 21:46 -
'Albania', fjala më përdorur në Itali për 2024-ën
18 Dhjetor, 15:59 -
Basha: T’i japim fund tangos personale, kush voton Berishën merr dhe Ramën në paketë dhe anasjelltas! Jo interesave të Trekëndëshit të Bermudës
18 Dhjetor, 12:53 -
Esencë në REPORT TV, 42 kryetarët e Bashkisë së Tiranës, zgjedhjet, akuzat dhe historitë e tyre tragjikomike!
15 Dhjetor, 22:32
-
SHËNIM/ Syri si ''RD'' dhe ''ZP'', modeli gazetaresk i Sali Berishës nuk ndryshon për 30 vite rresht
14 Dhjetor, 16:36
-
Dezinformimi, rrjetet sociale dhe Shqipëria! Nuk është zgjidhje mbyllja por edukimi mediatik (Media Literacy)
14 Dhjetor, 12:20
-
Parashqevi na ndihmo!
14 Dhjetor, 09:53
-
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30
