TIRANË- Kuvendi ka miratuar në seancën e sotme plenare ngritjen e Komisionit Shtetëror të Zgjedhjeve, i cili do të zëvendësojë KQZ-në! Ish-kryetari i Komisionit Qendror të Zgjedhjeve, Ilirjan Celibashi rikthehet në këtë institucion, duke zgjedhur në postin e Komisionerit Shtetëror të Zgjedhjeve, me 106 vota pro. Në postin në Nënkomisionerit Shtetëror të Zgjedhjeve, që sipas marrëveshjes propozohej nga opozita, u zgjodh Lealba Pelinku, drejtuese e departamentit të antikorrupsionit pranë PD, e cila mori 105 vota pro.
Opozita pati mundësinë që në krye të KQZ-së së re të kishte ish- ministrin e saj, Ilir Rusmajli, por përfaqësuesi i saj Oerd Bylykbashi e s'kualifikoi atë. Siç Shqiptarja.com ka raportuar më herët, ky vendim vjen si hakmarrje e ish- kryeministrit Sali Berisha për të gjitha herët kur Rusmajli i ka dalë kundër, që nga bllokimi i përgjimeve, pasuritë, Gërdeci tek ekstradimi i Izet Haxhisë. Rusmajli erdhi si propozim i PS-së, për të cilën kryeministri Edi Rama tha sot se kjo ishte në kuadër të frymës së bashkëpunimit, por që opozita e refuzoi.
Me 107 vota, anëtarë të Komisionit Rregullator të Zgjedhjeve janë zgjedhur Ilirjana Nako, Dritan Caka, Arens Çela, Muharrem Çakaj, dhe Helga Vukaj. Ndërsa shkalla e tretë e ankimimit, Komisioni i Ankimimeve dhe Sanksioneve, do të përbehet nga Ilirjan Rusmali, Elvin Lako, Koli Bele, Elvis Cefa, Ledio Braho.
KQZ-ja e re
Ilirjan Celibashi zgjidhet komisioner shtetëror i zgjedhjeve (106 vota pro)
Lealba Pelingu zgjidhet nënkomisioner shtetëror i zgjedhjeve (105 vota pro)
Anëtarët e komisionit rregullator të zgjedhjeve (107 vota pro, 4 kundër, 4 abstenim)
Ilirjana Nano
Dritan Çaka
Arens Çela
Muharrem Çakaj
Helga Vukaj
Anëtarët e komisionit të ankimimeve dhe sanksioneve (105 pro, 5 kundër, 3 abstenim)
Ilirjan Rusmali
Elvin Lako
Koli Bele
Elvis Çefa
Ledio Braho
Parlamenti ka zgjedhur sot Ilirjan Celibashin komisioner shtetëror të zgjedhjeve të ardhshme me 106 vota pro.
Celibashi ka paraqitur kandidaturën e tij në ditën e fundit të aplikimeve për vendet vakante të KQZ-së së re dhe ka rezultuar se ai ka qenë një nga kandidatët që ka marrë votat maksimale, duke u rikthyer sërish në krye të këtij institucioni pas 14 vitesh.
Por cili është rrugëtimi i i tij politik? Celibashi ka hyrë në KQZ më 10 Shkurt të vitit 2001. Këshilli i Lartë i Drejtësisë zgjodhi dy anëtarët e rinj të këtij Komisioni që ishin Celibashki dhe Igli TOSKA.
Mandati i tij përfundoi në vitit 2006. Në këtë vit përfundoi mandati edhe për Pandeli Varfin dhe Tomor Malajn, të cilët u zëvendësuan me Flamur Çaton, Fatmir Kumbaron dhe Arben Ristanin.
Si duket ky nuk ka qenë rrugëtimi i tij i fundit në KQZ, pasi nga sot do të jetë në krye të këtij institucioni për të mbikqyrur zgjedhjet e ardhshme parlamentare të 25 prillit 2021.
Pasi drejtoi KQZ-së në periudhën 2001-2006, Celibashi u zgjodh deputet i Partisë Socialiste në vitin 2013 për qarkun e Fierit. Më pas ai u emërua ministër për Marrëdhëniet me Parlamentin.
Postin e dytë më të rëndësishëm në KQZ, atë të Nënkomisionerit Shtetëror të Zgjedhjeve, që sipas marrëveshjes propozohej nga opozita, u zgjodh Lealba Pelinku, drejtuese e departamentit të antikorrupsionit pranë PD, e cila mori 105 vota pro.
Sot në garë me Celibashin ka qenë edhe Bledar Skënderi, pasi PD skualifikoi kandidaturën e tretë: ish-ministrin demokrat Ilir Rusmajlin.
Komente
Lajme të tjera
-
Auditimi i fondeve për 2022/ KQZ gjobit 108 parti politike! PD e PS nga 60 mijë lekë gjobë, ‘shpëton’ Partia e Lirisë
9 Prill, 17:02 -
20 mijë qytetarë nuk dalin dot nga banesa për të votuar, KQZ: Merrni masa ligjore, dërgoni kutitë e votimit në shtëpi
3 Prill, 13:29 -
Larg debatit për Himarën, Celibashi për Report Tv: Për ne çështja mbaroi me shpalljen e rezultatit! Apel politikës: Jeni vonë për votën e diasporës
29 Mars, 15:39
-
Konstituohet grupi i dialogut për 'Reformat'! Opozita: ‘Zgjedhorja’ prioriteti ynë! PS: Fillojmë punën për ta çuar para! Ftesë edhe për Bashën
28 Mars, 08:04 -
Marrëveshja Rithemelimi-PS/ Dy komisione hetimore dhe grup dialogu për ligjet me 84 vota! Bardhi fton PD, Basha e refuzon
20 Mars, 12:17 -
Eduard Zaloshnja: Vetëm në 3.88% të qendrave të votimit s’funksionoi teknikisht identifikimi elektronik, por u krye ai fizik
14 Mars, 14:50
-
KQZ: Identifikimi elektronik dështoi në 12% të qendrave të votimit
13 Mars, 22:19 -
Shmanget përplasja me grupin e Rithemelimit, nesër mblidhet online Komisioni i Reformës Zgjedhore! Në seancë dëgjimore KQZ
26 Shkurt, 14:42
-
Ambasadori britanik takon Celibashin: Reforma Zgjedhore të miratohet përpara zgjedhjeve parlamentare
21 Shkurt, 22:08 -
Rithemelimi pa lekë, partitë politike marrin 345 mln lekë nga buxheti i shtetit për vitin 2024! ‘Torta’ ndahet mes PS-së dhe PD-së
20 Shkurt, 12:11 -
Celibashi takon kryetaren e misionit të OSBE-së: Zhvilluan një bisedë të thelluar mbi Reformën Zgjedhore në Shqipëri
16 Shkurt, 15:34 -
Fondet vjetore, 345 mln lekë për partitë për vitin 2024! ‘Torta’ ndahet mes PS-së dhe PD-së, Rithemelimi mbetet pa financim
16 Shkurt, 15:08
Bravo, njeri me vlera patriot dhe i paperlyer ne korrupsion meriton te behet edhe president i Shqiperise!
PërgjigjuNa duhen 6 persona të ngjashëm me Celibashi për të futur të gjithë kriminelët në burg dhe për të shpëtuar këtë vend për brezat e ardhshëm! Ata që nuk e duan atë janë në një gabim historik. Interesi i publik nuk është i negociueshëm me kriminelët!
PërgjigjuI besi po ky nuk ruajti dot gruan e vet do te ruaj votat e tua e te mija Pastaj pse prap me riciklime do vazhdojme ne
PërgjigjuCila* eshte karriera analfabete, cila. Kush perdoret per frymoret. Vemje jeni.
PërgjigjuKY MASKARA DHE ORDINER NUK MUND TE DREJTOJ KQZ.
PërgjigjuEshte shuajtur shqiperia per juriste qe rizgjedh Celibashin kunat i Fatmir Mediut dhe burri i Ardjana Mediut qe u rrezua me makinen e Olldashit kur kishin dale per piknik. Me pak fjale njerez te diskretituar, familje te shthurura dhe lehtesisht te shantazhueshem pasi duhen marre te pandehur per fshehjen qe i bene vrasjes se Olldashit. Kujt i intereson kjo gje? Mos Rama po perserit skenarin e Nanos ne 2005 qe i dorezoi pushtetin Saliut duke tradhetuar socialistet qe mbeten 8 vite ne opozite? Luli e paska marre ne tavoline pushtetin.
PërgjigjuMe cfare nuk ka lidhje? Me ato fakte qe jane shkruar? Apo qe per keto llumesirash nuk eshte i shantazhueshem? Vetem ky njeri i shantazhueshem se nuk po themi te tjera gjera qenka profesionist ne shqiperi??? Mire profesionist, po dinjitet ka ky njeri???? Duhen profesioniste dhe njerez qe te jene ne gjendje per te marre vendime te medha ne te mire te ketij populli i drobitur dhe jo Celibasher. Asgje personale me kete njeri sinqerisht.
Kunati dhe burri nuk eshte kusht per cfare perfaqeson nje njeri. Celibashi eshte profesionist dhe nuk kane asnje lidhje cfare shkruan