Merita Hoxha, bashkëshortja e viktimës së vrarë nga ish-komandoja, Alban Voda, paraditen e kësaj të diele, thotë për Report Tv se viktima dhe autori kanë pasur probleme një vit më parë.

"Nuk pasghë gjë se çfarë u bë jashtë. I fola, ku je Nesim, veç kur dola jashtë e pashë të shtrirë në tokë. Burri ka pasur konflikt me autorin 1 vit më parë. Por më pas gjërat u qetësuan dhe u la me kaq. Nuk kemi pasur raporte të mira me Alban Vodën", shprehet Merita Hoxha. 

Ndërkohë fqinjët thonë se nuk kanë pasur dijeni që 33-vjeçari, autor i krimit makabër, të ketë qenë me probleme mendore.

"Nuk e njihnim Albanin për person me probleme mendore. Ai ka shërbyer për disa vite në Afganistan. E morëm vesh nëpërmjet televizorit çfarë kishte ndodhur. Nesimi ishte njeri i mirë, ndërsa autorin s'e kam njohur, prindërit e tij po. Kam dëgjuar që para një viti janë konfrontuar me njëri-tjetrin dhe autori e ka rrahur viktimën", thonë fqinjët. 

Redaksia Online
l.q/Shqiptarja.com