Krimi i dyfishtë tronditi dje Shkodrën në orët e para të mëngjesit, ku një çift bashkëjetuesish u qëlluan për vdekje brenda në automjet.
Ngjarja ndodhi pak metra larg banesës së çiftit, pasi ishin kthyer nga një darkë, ndërsa skena e krimit ka ndodhur në prani të djalit 2-vjeçar të Boran Bërçamës dhe bashkëjetueses së tij Silvi Ndoci.
Report Tv ka siguruar foton e dy trupave të pajetë brenda në automjetin tip “Mercedes Benz”. Ata janë qëlluar me breshëri arme automatike “MP5”, duke iu shkaktuar vdekjen e menjëhershme.
Konstatimi i viktimave u bë vetëm në orët e para të mëngjesit të së dielës nga fqinjët të cilët njoftuan policinë, ndërsa pranë trupit të nënës u gjet edhe djali 2 vjeçar i cili fatmirësisht ka shpëtuar pa lëndime.
Lajmi kryesor:
Krimi në Shkodër, ish-polici dyshohet se ishte pjesë e një grupi kriminal, kishte marrë disa vërejtje
