POP 5

Lajmet më të lexuara të 5 minutave të fundit

Politikë

A është krisur marrëveshja PS-PSD?! Këshilltarët e Tom Doshit në Shkodër bashkojnë 'votat' me Rithemelimin, dështon mbledhja e Këshillit Bashkiak

Këshilltarët e Tom Doshit në Shkodër braktisën mbledhjen e këshillit bashkiak, duke dhënë kështu shenjën e parë të krisjes së marrëdhënies mes PS dhe PSD-së. Largimi i këshilltarëve nga mbledhja solli prishjen e numrave, duke bërë që mbledhja të dështojë për mungesë kuorumi.

Pas tymnajës së krijuar gjatë dhjetorit të vitit të kaluar, duket se mbledhja e fundit e këshillit të bashkisë Shkodër dha sinjalin e parë të krisjes së marrëdhënieve mes Partisë Socialiste dhe Socialdemokratëve të Tom Doshit. 

Largimi i këshilltarëve të PSD –se nga mbledhja e këshillit bashkiak solli edhe prishje të numrave, duke bërë që mbledhja të dështojë për mungesë kuorumi. Në fakt në fjalën e tij para anëtarëve të këshillit, kryetari i grupit të këshilltarëve të PSD-së, Gjek Sokoli, përmendi mungesën e punësimeve në administratën e bashkisë nga Benet Beci, edhe pse e mbështeti këtë të fundit për punët që po kryhen në qytet.

“Ne jemi ata që kemi sjellë kryetarin e bashkisë në drejtim. Pa ua them në emër të grupit se ne nuk jemi penduar se ndryshimi për Shkodrën po bëhet”, tha ai.

Por këshilltarët e PSD-së kanë qëndruar në sallë për miratimin e ndihmës ekonomike dhe të paaftësisë, ndërkohë që janë larguar më pas nga salla e këshillit bashkiak duke sjellë edhe mbylljen e mbledhjes.

Më herët kanë qenë anëtarët e Rithemelimit të cilët janë larguar nga mbledhja e këshillit bashkiak dhe kanë kërkuar interpelancë me kryetarin e Bashkisë Shkodër në lidhje me largimet nga puna, kërkesë kjo e cila nuk është pranuar.

Partia Socialiste ka 18 vende në këshillin bashkiak, numra të cilat nuk i mjaftojnë për të zhvilluar mbledhjet e vetme. Ndërkohë PSD-ja e Tom Doshit ka 11 vende në këshill. Mbetet për t’u parë në vijim nëse Tom Doshi do të bashkëpunojë me socialistin Benet Beci apo përçarja është pa kthim?!  

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Rastësi apo zgjedhje? Meta nuk e ndjek fjalimin e Kryemadhit, shkon të votojë dhe kthehet pasi mbaron fjalën

Rastësi apo zgjedhje? Meta nuk e ndjek fjalimin e Kryemadhit, shkon të votojë dhe kthehet pasi mbaron fjalën

27 Prill, 14:05