Krerët e shtetit dhe politika përcollën sot urimet e Krishtlindjes për të gjithë besimtarët e krishterë me kartolina virtuale të postuara në rrjetet e tyre sociale.

Presidenti Bajram Begaj urimin e përcolli me një kartolinë të shkruar me shkrim dore

"Krishtlindja, na fton të ndalemi për një çast e të reflektojmë mbi vlerat më të larta të njerëzimit: dashurisë, solidaritetin, mirëkuptimin dhe faljen’

Kryeminstri Edi Rama si kartolinë zgjodhi një ikonë të saporestauruar, që vjen si dëshmi arti dhe besimi që prej shek. XVII.

Ndërsa Kryetari i PD-së, Sali Berisha zgjodhi një foto të tij së bashku me bashkëshorten.

Bekimet e kësaj nate, për ju dhe më të dashurit tuaj miq!

Presidenti do të përcjellë urimet e tij per Krishtlindjen edhe pranë autoriteteve fetare. Edhe kreu i PD-së pritet të shkojë për vizitë urimi tek Katedralja Katolike ku do të pritet nga Imzot Arjan Arqipeshkëvi I Kryedioqezës Metropolitane Tirane- Durrës.

Urimet nuk kanë munguar as nga ndërkombëtarët. Delegacioni i Bashkimit Evropian në Shqipëri përmes një postimi në rrjete sociale ka uruar një Krishtlindje të gëzuar për të gjithë besimtarët e krishterë.

Edhe Ambasada e SHBA në Tiranë, ka uruar të gjithë besimtarët për të pasur festa sa më të gëzuara. 

'Gëzuar Krishtlindjet nga Ambasada e SHBA në Tiranë! Ju urojmë të gjithëve një sezon të mrekullueshëm festash të mbushura me gëzim', thuhet në postim. 

 
 
 
 

S.G/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 17 Mars, 11:47

    Shqipëria shpall Iranin shtet sponsor të terrorizmit, si e vlerësoni?

Lajme të tjera