Kritika polake vlerëson poetin 
Fatos Arapi dhe Agim Gjakovën

TIRANE - Dy autorët shqiptarë, poeti i njohur Fatos Arapi dhe poeti e shkrimtari kosovar Agim Gjakova, janë vlerësuar për krijimtarinë e tyre në revistat e njohura letrare polake. Nga shkrimet e përkthyera, unë e konsideroj këtë lloj vlerësimi si një afirmim të denjë të letërsisë shqiptare në botë.

Revista e njohur letrare polake ”Nowe Książki” (Libra të Rinj) në numrin e vet më të ri 5/2014 në mesin e shumë materialeve interesante nga letërsia polake dhe botërore, sjell edhe recensionet nga kritika letrare për veprat poetike të Fatos Arapit “Më jepni një emër” dhe të Agim Gjakovës  “Saga flurore” të përkthyera në polonisht nga Mazllum Saneja dhe Eva Śmietańska dhe të botuara në Shtëpinë e  njohur Botuese polake “Komograf” në Varshavë, 2013.