POP 5

Lajmet më të lexuara të 5 minutave të fundit

Ekonomi

Kriza, çmimi i trojeve ulet
deri në 50 për qind

Ajo që dikur ishte zona më e lakmuar dhe vëmendja e shumë bizneseve vendase, sot po vuan rënien drastike të kërkesës. Agjenci imobilare vendase konfirmojnë se nuk ka shitje, ndërkohë që shumë biznese kanë hedhur në treg troje boshe apo me kapanone.
Kriza, çmimi i trojeve ulet <br />deri në 50 për qind
TIRANE- Ajo që dikur ishte zona më e lakmuar dhe vëmendja e shumë bizneseve vendase, sot po vuan rënien drastike të kërkesës. Agjenci imobilare vendase konfirmojnë se nuk ka shitje, ndërkohë që shumë biznese kanë hedhur në treg troje boshe apo me kapanone.

"Aksi Tiranë-Durrës është i vdekur, nuk ka projekte biznesi, kjo sepse ato nuk janë në ekspansion, por përkundrazi po limitojnë kostot. Kemi listime të pronave me apo pa kapanone të ndërtuara, për shitje apo dhënie me qira, por nuk ka lëvizje", sipas Ilda Biçokut, drejtuese e agjencisë imobilare "Century 21 The Point".

Kjo situatë i ka përgjysmuar çmimet në këtë aks. Nëse deri në vitin 2008, çmimet arritën deri në 250 euro/m², sot ato kanë zbritur në 100 euro/m².
Rënie të ndjeshme të çmimeve ka pasur edhe në aksin Tiranë-Rinas. Në këtë zonë çmimet janë ulur deri në 50% dhe kjo ka ndodhur sepse blerja u bë me para në dorë.

Edhe transaksionet në trojet bregdetare kanë pësuar "ngrirje" të shitblerjeve. Ky treg është prekur më shumë nga kriza globale financiare, sepse ata që investojnë më shumë janë investitorë të huaj. Këta investitorë në kushtet e krizës i kanë ndaluar zgjerimet apo investimet e reja.
"Në bregdetin e Jugut, çmimi maksimal sot nuk i kalon 120 euro/m², ndërsa më parë ishte 200 euro/m². Edhe në zonën e Gjirit të Lalëzit, që është shndërruar vitet e fundit në një destinacion të frekuentuar për plazh, trojet shiten 50-80 euro/m², ndjeshëm më ulët nga niveli i 130-150 euro/m²", thonë agjentët.

Ata e lidhin rënien e çmimeve jo vetëm me krizën dhe uljen e fuqisë blerëse në tërësi, por edhe me një fenomen "shfryrjeje" të një tregu me çmime të larta, siç ishte ai i trojeve.

(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54