Kriza në blegtori u thellua më tej në vitin 2023. Shifrat zyrtare tregojnë se numri i gjedhëve ku përfshihen edhe lopët ra në 263 mijë krerë nga 298 mijë krerë në vitin 2022. E njëjta ka ndodhur edhe me numrin e deleve dhe të dhive, pasi fermat janë tkurrur me afro 130 mijë krerë. E gjithë kjo situatë ka sjellë rënie të prodhimeve blegtorale, e për pasojë ka shkaktuar rritje të fortë të çmimeve të produkteve të mishit dhe bulmetit.
Referuar raportit të INSTAT, vitin e kaluar u prodhuan 901 mijë tonë qumësht nga 970 mijë tonë që ishte prodhimi në vitin 2022. Ndërsa pesha e mishit të gjallë është tkurrur me 5 mijë tonë nga viti 2022 në 2023-shin.
Si rezultat i uljes së sasisë së qumështit të prodhuar, çmimet vijojnë të jenë të larta ku një litër po tregtohet deri në 200 lekë, po ashtu edhe për kosin. Ndërsa çmimi i djathit nis nga 600 lekë e lartë, kurse mishi i vicit ka mbetur në vlerën 1200 lekë/kg.
Ndërsa në një dekadë numri i krerëve të lopëve, deleve e dhive është ulur me 677 mijë krerë. Shkak për këtë rënie të fortë të blegtorisë sipas ekspertëve është bërë mbështetja financiare e ulët e fermerëve, favorizimi i importit dhe nga ana tjetër edhe shpopullimi i zonave rurale.
Prej vitesh ky sektor kërkon që subvencionimi i blegtorëve të mos bëhet për krerë bagëtish por për çdo litër qumësht. Por kjo kërkesë ka rënë në vesh të shurdhët.
Aktualisht të gjithë blegtorët marrin 1200 lekë për krerë delesh apo dhish, dhe marrin 10 mijë lekë për çdo lopë. Boshllëku i madh që po krijohet me prodhimet blegtorale, po mbulohet me importin që po konkurron tashmë prodhimin vendas masivisht nëpër markete.
Nga viti 2020 e deri në fund të muajit prill të këtij viti vendi ka importuar nga jashtë kafshë të gjalla me vlerë 19,8 miliardë lekë ose afro 194 milionë euro, shifër e cila po rritet me ritme të shpejta si rezultat i tkurrjes së tufave në vend.
Komente
Lajme të tjera
-
Fatos Çoçoli: Shteti ka kthyer fytyrën nga bujqësia!
16 Shkurt, 10:46
-
Turizmi “shtylla” kryesore! Ekonomia rritje 3.9% deri në 2028, borxhi zbret në 52%, por tek bujqësia vijon kriza
14 Shkurt, 15:35
-
Në 5 qarqe lindjet ranë nga 10-19%, jugu më i prekuri
14 Shkurt, 09:32 -
Financimi 250 mln euro në bujqësi, Rrapaj në Report Tv: Mbi 100 mijë përfitues! Çoçoli: Njihen vitet e punës edhe pa dokumente për fermerët që kanë punuar në kooperativa
13 Shkurt, 19:45 -
Inflacioni bie në 1.9% por tkurrja e numrit të bagëtive shtrenjton mishin dhe bulmetin! INSTAT: Në janar 3.3 - 4% më i lartë
13 Shkurt, 16:45
-
Lindjet në vend ranë 5% më 2024, numri më i ulët në 90 vite
13 Shkurt, 07:31 -
KQZ bllokon pr.ligjin për TVSH në Bujqësi, Braçe te ‘Ekonomia’: Ta miratojmë, gjobën e paguaj unë me këste! Shalsi: Na sqaroni ku shkelet Kodi Zgjedhor
12 Shkurt, 11:11
-
Skema e Arben Ahmetajt dëmtoi bujqësinë, Braçe merr me vete edhe opozitën për të ndryshuar rimbursimin e TVSH-së
11 Shkurt, 16:18
-
Sa kushton një fëmijë në Shqipëri? Nga shpenzimet për shtatzëninë tek rritja
8 Shkurt, 10:13 -
Financimi 250 mln euro në bujqësi, Rrapaj: Do t’i ndihmojë shumë fermerët, bankat frikësohen të japin kredi, pasi shihet sektor me risk
7 Shkurt, 14:15 -
Denaj: Me garancinë sovrane rrisim mundësinë e financimit për sektorin e bujqësisë
6 Shkurt, 15:35 -
‘Inflacioni vijon rënien’, BSH nuk ndryshon normën bazë të interesit, mbetet 2.75%! Sejko: Tensionet tregtare të huaja, rrezik për ekonominë
5 Shkurt, 17:05
