Kriza energjetike, Rama: Basti i Putinit është rrëzimi i Perëndimit nga dimri

Kryeministri Edi Rama në Gjirokastër, u ndal tek kriza energjetike që kë prekur gjithë botën. Sipas Ramës, Putin ka si qëllim rrëzimin e Perëndimit nga dimri, sepse Europës i janë kufizuar burimet e energjisë, ndërsa paralajmëroi se do të jetë një dimër i vështirë.

Në fjalën e tij kryeministri Edi Rama u ndal edhe tek rritja çmimit të energjisë elektrike, ku tha se qeveria do të bëhet mburojë që qytetarët të mos ndjejnë në faturë rritjen e çmimit të energjisë. Sa i përket vendosjes së fashës 800 kilovat në muajin nëntor, Rama tha se do të shikohet ecuria e motit si dhe kursimi që do të bëjnë qytetarët.

‘Basti i Putinit është rrëzimi i Perëndimit nga dimri, por flitet për një dimër që do të jetë më i vështiri i për ne dhe për Evropën, sepse Europës i janë kufizuar burimet e energjisë elektrike dhe të ngrohjes.  Qeveria ka vendosur që të mbrojë qytetarët nga rritja e çmimit të energjisë. Në faturën tuaj ajo që nuk duket është ajo që paguan buxheti. Nuk do të lejojmë që kriza energjetike të shfaqet në faturën tuaj, pasi jemi kthyer në mburojë. Tani jemi duke parë nëse do krijohet një mundësi që mos të vendoset fasha në muajin nëntor. Për tu krijuar kjo mundësia na duhet të kemi reshje. Jam me një mërzi të brendshme bashkë me kolegët e mi sa herë nuk shohim shi. Por nga ana tjetër na duhet edhe kursim.’- tha Rama.

LEXO EDHE:
Muzetë, frekuentime rekord nga turizmi, potenciali për nxitjen e bizneseve

Lajmi kryesor:

Rama kritika BE: S’mund të na thoni se amnistia fiskale është për krimin! Emigrantët që punojnë ditë e natë janë kriminelë?

M.Q./KT/Shqiptarja.com

TAG:
• kriza energjetike
• sezoni turistik
• zgjedhjet vendore 2023
• Gjirokaster
• edi rama