Zoti qëndron mbi të gjithë dhe mbi gjithçka, por në thelb, besoj se ai do të ishte më shumë i djathtë se i majtë! Megjithatë, duket si absurde, por situata aktuale që po zhvillohet si pasojë e krizës të zhvilluar brenda PD dhe tashmë edhe jashtë saj, duket se kjo thënie është shpjegimi më real dhe simbolik i asaj që po ndodhë!
Kriza e PD i ndau demokratët në dy pjesë, le të themi, ata që besuan e mbështeten Berishën dhe ata që mbështetën dhe i besuan Bashës! Pra, në thelb simpatizantët e të një partie të vetme u armiqësuar dhe u ndan për shkak të ndarjes thuajse pa kompromis të lidershipit të saj. Në thelb, kemi pasur të bëjmë e të bëjmë gjithmonë me demokrat, të njëjtën histori dhe të njëjtës familje!
Kriza e PD në fakt duhet të kishte prodhuar edhe një efekt krejt të natyrshëm, atë hapjes dhe pjesëmarrjes me prurje të reja përtej militantizmit dhe anëtarësisë klasike që kishte pasur ky subjekt politik nga fillimi e deri më sot. Kjo nuk ndodhi, sepse personat e përfshirë në konfliktit kishin objektiv primar për të ruajtur status quo si përballje në luftën e brendshme për të fituar brenda llojit sesa për të tejkaluar veten dhe historinë e për të mundur kundërshtarin kryesor politik që në fakt ishte e është Rama!
Është krijuar një imazh sureal sikur Doktori dhe Basha kishin marr peng formacionet e burimet njerëzore të PD, por unë jam i idesë që këta të dy ishin të marr peng nga mbështetësit e tyre që me qëndrimet e tyre heroike për mbështetje edhe kur nuk ju kërkohej heroizmi, shfrytëzuan luftën mes titanëve për të fituar e përfituar sa më shumë privilegje e kushte që në fakt në një llogari të thjeshtë të pragmatizmit politik ishin një hiçi, sepse nuk i shërbenit marrjes së pushtetit dhe rrëzimit të Qeverisë. Megjithatë mbështetësit e dy palëve, disa edhe nga hiçi në protagonistë luajtën konceptimin e formues: më mirë kryeplak në katund, sesa roje në qytet!
Megjithatë, thelbi i kësaj analize nuk është ajo që ka ndodhur në nivelin e mbështetës thuajse kamikaz ndaj liderëve, por qasja e liderëve ndaj mbështetësve të tyre! Doktori thuajse me fitore tashmë ka mbetur besnik tek ideja se ai është me demokratët dhe me PD! Të njëjtën gjë po bën edhe Basha, i cili në kushte më të vështira tashmë edhe falë vendimit të drejtësisë, vazhdon të identifikohet me demokratët dhe PD! Në fakt, kjo sjellje përtej ndershmërisë së liderit ndaj mbështetësve është edhe një sjellje morale që ka një kuptim për çfarë kanë luftuar palët!
Pra, edhe ata që kanë mbështetur dhe vazhdojnë të mbështetin Bashën, në fakt janë demokratë, disa me kontribute të rëndësishme tek PD, ndjehen pjesë e këtij subjekti politik, por nuk pranojnë lidershipin e Doktorit! Kjo sjellje është edhe në radhët e atyre që kanë mbështetur që nga fillimi Doktorin, pra demokratë, pjesë të historisë së PD, thjeshtë nuk kanë pranuar lidershipin e Bashës! Pse palët kanë zgjedhur njërin e jo tjetrin, ky është një argument që mund të kërkojë disa analiza në vete e pse jo edhe libra!
Megjithatë, përtej Doktorit e Bashës ka në sfond edhe një palë të tretë që kërkon themelimin e krijimin e një subjekti të ri politik. Në fakt këta e kanë bërë betejën bashkë me Bashën, ndoshta duke e “marr peng” politikisht këtë të fundit në emër të mbështetjes, betejën e kanë bërë në emër të demokratëve, të PD! Atëherë pyetje themelore është: faktin që këta po duan të krijojnë një subjekt të ri politik përtej asaj që kanë përfaqësuar dhe luftuar a e kanë marrë mbështetjen e atyre që i përdorën në tre vjet rresht si një zgjidhje finale, por duke qëndruar brenda “PD”? A mund të jetë në një mënyrë edhe një konsideratë si tradhti politike ndaj atyre që qëndruan brenda selisë me 8 Janar, sepse po vëllezërit e tyre për “konflikt pronësie” po i sulmonin nga jashtë me qëllimin për të hyrë brenda?
Në këtë situatë sa sureale aq edhe absurde a ka ndonjë përgjegjësi për fatin e atyre demokratëve që luftuan për tre vjet rresht sepse u ishin premtuar gjëra të cilat nuk ndodhen? Mua kjo situata aktuale po më duket se politikanët po mendojnë për vete, por për demokratët shpresoj të mendoj “Zoti” nëse ky i fundit do të ishte i djathtë!
Komente
Lajme të tjera
-
Ylli Pata: E marta e kiametit...
23 Nëntor, 19:52
-
Berisha i refuzuar nga militantët, porosi drejtuesve të qarqeve për protestën: Të martën sillni sa më shumë njerëz në Tiranë
23 Nëntor, 18:35 -
'Të rezistojmë, të ngremë krye', Salianji letër nga burgu, kërkon drejtësi për Martin Canin: Asgjë nuk vjen vetë! Aq më keq po t’ia lësh në dorë kryeministrit
23 Nëntor, 17:59 -
Intervista e Dumanit/ Lapardhaja: Dje konfirmoi që SPAK dhe ai janë indiferent ndaj sulmeve politike! Një prokuror që nuk ka marrë asnjë dhuratë, fat për shoqërinë shqiptare
23 Nëntor, 17:35 -
Jorida Tabaku: Socialistët i trajtojnë pensionistët si grup elektoral dhe i gënjejnë për vota! Ata meritojnë dinjitet dhe vlerësim
23 Nëntor, 15:44 -
Pas 7 refuzimesh, Berisha s'heq dorë! Këmbëngul për liri në Gjykatën e Lartë
23 Nëntor, 15:41
-
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Megjithë përpjekjet dhe ndihmën e përfaqësuesit grek, PD nuk arrin ta përfshijë Sali Berishën në rezolutën e PPE-së
23 Nëntor, 12:17 -
Dumani me 3 apartamente? Kreu i SPAK i përgjigjet Berishës: Kurrë në jetën time s’kam pranuar jo ryshfet, por as dhuratë mbi 100 dollarë
22 Nëntor, 21:48 -
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Mero Baze: Mesazhi i Berishës, nga ‘gjyqi’ i sajuar kundër Ivi Kasos
22 Nëntor, 19:24
-
'Studio Live'/ Vendimi i GJK për Berishën, Haklaj: E quajti arrestimin të ligjshëm, unanim 8-0! Meta humbi burrërinë, kërkoi pasaportën! Faik Basha: Është më i frymëzuar se kurrë
22 Nëntor, 18:01
Të zgjedhësh midis Berishës dhe Bashës është sikur të zgjedhësh midis një Gomari plak dhe Kriçit të tij. Pra s'ka zgjedhje
PërgjigjuTimotaku :koment brillant