POP 5

Lajmet më të lexuara të 5 minutave të fundit

Bota

Kriza në Siri/Idlib, nënshkruhet armëpushimi, nga mesnata ka hyrë në fuqi

Erdogan tha se "Gjatë këtij procesi Turqia rezervon të drejtën të reagojë me të gjitha forcat e saj dhe kudo, kundër çdo sulmi që mund të kryhet nga regjimi i Asad"

Kriza në Siri/Idlib, nënshkruhet armëpushimi, nga mesnata ka hyrë në fuqi

Popullsia e rajonit të Idlib në Siri më në fund mund të marrë sadopak frymë pas marrëveshjes së djeshme për armëpushim që ka hyrë në fuqi nga mesnata e mbrëmshme, e nënshkruar nga Presidenti turk Rexhep Tajip Erdogan dhe Presidenti rus Vladimir Putin.

Erdogan tha se "Gjatë këtij procesi Turqia rezervon të drejtën të reagojë me të gjitha forcat e saj dhe kudo, kundër çdo sulmi që mund të kryhet nga regjimi i Asad".

"Forcat e regjimit sirian - shtoi ai - kanë shkelur marrëveshjet e mëparshme duke detyruar banorët e Idlib të marrin arratinë dhe të zhvendosen përgjatë kufirit turk. Asad- tha Erdogan- dëshiron të fshijë nga faqja e dheut civilët në atë rajon por Turqia nuk do rri duke parë”.

Presidenti rus shprehu shpresën se marrëveshja do t'i japë fund vuajtjeve të civilëve, ndërsa justifikoi veprimet ushtarake të regjimit të Damaskut.

"Ne- tha Putin- mbrojmë parimin e sovranitetit dhe integritetit territorial të Sirisë dhe nuk mund të lejojmë dobësimin e luftës kundër terrorizmit ndërkombëtar".

Marrëveshja përfshin gjithashtu krijimin e një zone tampon 6 km përgjatë autostradës që lidh rajonin me kryeqytetin, e cila do të kontrollohet bashkërisht nga Moska dhe Ankaraja.

Armëpushimi vjen në kohën kur përshkallëzimi ushtarak ka arritur kulmin teksa dhe para pak ditësh nga sulmet ajrore të forcave të Asadit u vranë 30 ushtarë turq. Paskësaj, forcat e Ankarasë filluan një kundërsulm masiv, duke përdorur drone luftarak që shkaktuan humbje të mëdha në forcat e regjimit.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

Spahiu: Vota e emigrantëve rrezikon të devijohet nga 11 Marsi kur të publikohen emrat e regjistruar

27 Janar, 23:00