Pas dështimit të formimit të qeverisë në Itali midis Legas ekstremiste të djathtë dhe Lëvizjes Pesë Yjet Gjermania tregohet e përmbajtur - dhe shpreson për një fillim të ri miqësor ndaj BE.
Shumë zyrtarisht Gjermania mban qëndrim të përmbajtur, kur bëhet fjalë për Italinë - zëdhënësi i qeverisë Steffen Seibert thekson se është një traditë e mirë dhe respekti ndaj një partneri të tillë të ngushtë kërkon që njëherë të pritet. Si duhet të formohet një qeveri e re në Romë, kjo nuk është detyrë e qeverisë gjermane që ta vendosë. "Qeveria gjermane është parimisht gjithnjë e gatshme që të bashkëpunojë mirë me një qeveri italiane."
Ai që lexon midis rreshtave pa dyshim mund të zbulojë një gisht tregues në drejtim të Italisë - sepse atje u tha që dështimi i gati aleancës qeveritare rreth Legas dhe Lëvizjes-Pesë-Yjet, kritike ndaj Evropës ka të bëjë me rezistencë nga Berlini dhe Parisi. Në twitter, shefi i Legas, Matteo Salvini u shpreh me urrejtje: "Ne nuk jemi skllevërit e gjermanëve dhe francezëve".
Shpresë për një qeveri miqësore ndaj BE
Ishte emërimi si ministër ekonomie dhe finance i kritikut të njohur të BE dhe të Gjermanisë, Paolo Savona që e bëri Presidentin e Italisë, Mattarella që të tërhiqte frenën e emergjencës. Edhe nëse zërat zyrtarë në Gjermani janë shumë të përmbajtur, ai që mbizotëron është një lloj lehtësimi.
Për ministrinë e Jashtme gjermane, ministri i Shtetit Michael Roth theksoi paralelisht me një takim të BE se Italisë, si anëtare themeluese e BE, "gjithmonë mund t'i besoje" dhe ai shpreson se Italia do ta kthehet sërish në qëndrimin e saj proevropian. Edhe nëse formimi i qeverisë kërkon pak më shumë kohë, nuk është roli i Gjermanisë që duhet të kritikojë, theksoi Roth duke tërhequr vëmendjen për negociatat gjashtëmujore për formimin e koalicionit qeveritar në Gjermani pas zgjedhjeve të fundit parlamentare.
Italia ka nevojë për reforma
Më qartë shprehet opozita. Zëvendësshefja e FDP-së, Katja Suding është anëtare e Grupit Parlamentar të Miqësisë Gjermani-Itali. Për DW ajo tha se Italia "duhet të nisë urgjentisht reforma të gjera ekonomike dhe të politikës sociale, të cilat të garantojnë aftësinë për konkurencë të vendit. Kjo nuk është vetëm në interesin e Evropës, por para së gjithash të vetë italianëve."
Zëvendësi i partisë E Majta në Bundestag, Fabio de Masi, me origjinë italiane thotë se zgjedhjet e reja në Itali mund ta forcojnë Legan e djathtë. Politika gjermane ka një pjesë faji për gjendjen në Itali, thotë ai, sepse Gjermania mbron një kurs të fortë kursimesh në Evropë, thotë di Masio."Fakt është: politika e kursimeve i dha Italisë investime të pamjaftueshme dhe një dekadë të humbur. Më e mira që mund të bëjë qeveria gjermane për të penguar një tokë të djegur në Eurozonë është që të forcojë ekonominë e brendshme në vend që t'i dekurajojë edhe më tej partnerët evropianë."DW
Lajme të tjera
-
Matteo Salvini: Nëse Trump ndal luftën në Ukrainë meriton Nobel për Paqen
9 Nëntor, 19:30 -
Të djathtët evropianë mbështesin Salvinin para vendimit gjyqësor për emigrantët
6 Tetor, 17:10 -
Papa Françesku: Shtetet e BE-së duhet të ndajnë përgjegjësinë për emigrantët
7 Nëntor 2022, 21:25 -
Vetë italianët nuk janë të habitur
26 Shtator 2022, 19:56
-
Italia në krizë politike/ Më 20 korrik Draghi para deputetëve, presidenti s’i pranoi dorëheqjen! Ministrat e lëvizjes ‘5 yjet’ mund të tërhiqen nga qeveria
15 Korrik 2022, 14:36 -
Dy ditë para zgjedhjeve, Berlusconi heq dorë nga gara për President: Italia sot ka nevojë për unitet, përtej dallimit mazhorancë-opozitë
22 Janar 2022, 20:27 -
Matteo Salvini: Nuk dua që dikush të ndjekë djalin tim 18-vjeçar nga pas me një shiringë vaksine
18 Korrik 2021, 18:42 -
Fotolajm/ Kreu i ekstremit të djathtë italian, Matteo Salvini me qeleshe shqiptare
23 Korrik 2020, 16:36 -
Covid/ Italia mund të zgjasë deri në 31 dhjetor Gjendjen e Jashtëzakonshme Shëndetësore
10 Korrik 2020, 15:20 -
Senati italian i hap rrugën gjykimit të liderit të 'Lega Nord', Matteo Salvini, akuzohet për rrëmbim dhe pengim të zbarkimit të emigrantëve (VIDEO)
12 Shkurt 2020, 16:59
