Kroacia akuzon Shqipërinë për ndotjen e Adriatikut me qese plastike dhe i ankohet KE-së

Kroacia akuzon Shqipërinë për ndotjen e Adriatikut me qese plastike dhe i ankohet KE-së

Deputeti kroat i Parlamentit Evropian, Karlo Ressler, i ka dërguar një letër Komisionit Evropian për mbetjet plastike në detin Adriatik që vijnë nga Shqipëria. Më shumë se 90% e mbetjeve plastike dhe llojeve të tjera të mbetjeve vijnë në bregdetin e Kroacisë nga jugu, veçanërisht nga Shqipëria, thotë eurodeputeti kroat.

Sipas eurodeputetit, mbi 229,000 ton plastikë përfundojnë në Mesdhe çdo vit, dhe rrymat detare dhe deti relativisht i cekët e bëjnë Kroacinë të ekspozuar ndaj mbetjeve plastike nga Mesdheu. Më shumë se një dekadë më parë, qeveria shqiptare njoftoi një hetim për ndotjen plastike që vinte nga Shqipëria në Kroaci, megjithatë nuk ka pasur rezultate, tha eurodeputeti.

Në cilësinë e tij si anëtar i delegacionit në Komitetin Parlamentar të Stabilizim-Asociimit BE-Shqipëri, Ressler i kërkoi KE-së të gjente mënyra për të ndërhyrë përmes programeve evropiane të mbrojtjes së mjedisit dhe negociatave të anëtarësimit të Shqipërisë për të adresuar këtë çështje.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 22/02/2022 02:34

    Para ca ditesh, prodhuesit e qeseve ne Shqiperi u ankuan per rregullat e reja qe do vihen, qe do cojne ne heqjen e tyre nga perdorimi.Pretendimet e tyre varionin qe nga problemet per ndryshimin e teknologjise,te punesuarit,humbja e fitimit,humbja e klienteles rajonale,etj dhe kerkonin te rrisnin trashesine e qeseve etj dhe duket qe komisioni qe do te vendoste per te ardhmen e tyre filloi te lekundej dhe ka mundesi qe te /shit-blihet/nga biznesmenet e qeseve.Ne nje koment qe bera atehere, nenvizova qe keto eksporte tek fqinjet do t'i paguajme me shtrenjte me mbetjet qe vijne nga lumenjte dhe ndotin ambientin,por duket qe problemi qenka dhe me i rende kur ne mes futet dhe deti.Para ca ditesh, po lexoja nje lajm interesant ku thuhej se pavaresisht metodave te reja te riciklimit dhe edukimit e ndryshimit te opinionit publik per riciklimin e ruajtjen e ambientit,prape vetem 9 % e gjithe plastikes riciklohet.Tani, nuk them se te gjitha plastikat qe ndotin detin jane 100 % /MADE IN ALBANIA/,ose te ardhur nga Shqiperia,per kete duhen fakte,por kjo akuze nga Kroacia, duhet te sherbeje si kambane alarmi per komisionin, qe te mos terhiqet para presioneve te bizneseve te qeseve,sepse nje dite mund te perfundojme ose ne gjyq,ose me ndonje gjobe te rende nga org.nderkombetare per ndotje te ambientit.

    Përgjigju
  • Sondazhi i ditës:

    A mendoni se vendosja e fashës 800 kWh do të sjellë kursim të energjisë?



×

Lajmi i fundit

Shkatërrohet grupi kriminal në Greqi, në pranga edhe policja që spiunonte operacionet te kreu i bandës

Shkatërrohet grupi kriminal në Greqi, në pranga edhe policja që spiunonte operacionet te kreu i bandës