POP 5

Lajmet më të lexuara të 5 minutave të fundit

Kronikë

Krrabë, 193 vetë dhe kreu i
këshillit abuzuan me asistencën

Shërbimi Social Shtetëror i Ministrisë së Mirëqenies Sociale dhe Rinisë dorëzon në Prokurorinë e Tiranës kallëzimin penal.
TIRANË - Kryetari dhe anëtarët e këshillit të Komunës së Krrabës janë mes 193 përfituesve të paligjshëm, të cilët kanë përfituar ndihmë ekonomike.

Në këtë komunë, 228 persona përfitonin ndihmë ekonomike, nga këta 193 prej tyre ishin përfitues të paligjshëm.

Skandali është zbuluar nga kontrolli i bërë nga Shërbimi Social Shtetëror i Ministrisë së Mirëqenies Sociale dhe Rinisë.

Ky shërbim ka kallëzuar sot në Prokurorinë e Rrethit të Tiranës, kryetarin Artan Leka dhe anëtarët e Këshillit të komunës Krrabë, si dhe përgjegjësen e seksionit të ndihmës ekonomike dhe të Personave me Aftësi të Kufizuar, me motivacionin e shpërdorimit të detyrës. Të gjithë këta ishin përfaqësues të LSI. Lajmi është bërë i ditur nga burime zyrtare të Ministrisë së Mirëqënies Sociale dhe Rinisë.
 
Këto burime thanë se, nga kontrolli i ushtruar nga auditi i Shërbimit Social Shtetëror ka rezultuar se nga 228 familje që trajtohen me ndihmë ekonomike në Komunën e Krrabës, 193 prej tyre e kanë përfituar ndihmën ekonomike në shkelje me kriteret e përcaktuara ligjore, mes të cilëve edhe familjet e Kryetarit dhe anëtarëve të Këshillit të komunës.
 
“Sipas vlerësimit paraprak, për periudhën e kontrolluar 9-mujore të vitit 2013, këto shkelje ligjore i kanë shkaktuar buxhetit të shtetit gjithsej një dëm prej 7.124.722 lekë. Shkelje të tjera u evidentuan edhe gjatë kontrollit të dosjeve të personave me aftësi të kufizuara, ku rezultoi se nga 52 persona që trajtohen me pagesë paaftësie në komunën e Krrabës, 8 prej tyre e kanë përfituar atë në shkelje të kritereve ligjore”, thuhet në një njoftim të Ministrisë së Mirëqenies Sociale dhe Rinisë.
 
Sipas ministrisë, veprimet e mësipërme ngarkojnë me përgjegjësi kryetarin dhe anëtarët e Këshillit të komunës Krrabë, si dhe administratoren e Ndihmës Ekonomike dhe të Aftësisë së Kufizuar të komunës Krrabë.
 
“Në përfundim të këtij kontrolli, Shërbimi Social Shtetëror ka kërkuar regjistrimin e procedimit penal ndaj të kallëzuarve dhe ushtrimin e ndjekjes penale ndaj personave të tjerë që do të rezultojnë përgjegjës gjatë hetimeve të kryera”, ka deklaruar Ministria e Mirëqenies Sociale dhe Rinisë.
 
Shërbimi Social Shtetëror po vazhdon kontrollet e skemës së Ndihmës Ekonomike dhe Pagesave të Aftësisë së Kufizuar dhe do të kallëzojë në Prokurori të gjitha shkeljet e gjetura në skemën e ndihmës ekonomike dhe aftësisë së kufizuar.

NDIHMA EKONOMIKE, KOMUNA MORI 1.5 MLN LEKE PER MUAJT TETOR-NENTOR
Vetëm për muajt tetor-nëntor 2013 komuna e Krrabës ka përfituar nga buxheti i shtetit 1 469 102 lekë për ndihmën ekonomike. Në listëpagesë duket shuma që i është dhënë kësaj komune më 30 dhjetor të këtij viti për të bërë pagesat e ndihmës ekonomike për tetorin dhe nëntorin.

krrabe, asistenca
(Në foto: Apartameni i kyetarit të këshillit, Artan Leka)

pagesa per komunen krrabe
(Foto/Shuma e kaluar komunës Krrabë, Ndihmë ekonomike muaji tetor-nëntor 2013 vkk.nr.24-25 dt.27.12.2013, listëpagesa)

Redaksia online
(ac/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kryebashkiaku Beci: Vetëm Kir-Shosh e bllokuar për shkak të borës e dherave, shoferët të lëvizin vetëm me zinxhirë e goma dimërore në zonat malore

Kryebashkiaku Beci: Vetëm Kir-Shosh e bllokuar për shkak të borës e dherave, shoferët të lëvizin vetëm me zinxhirë e goma dimërore në zonat malore

12 Janar, 19:53