KRUJE - Çdo pesë maj të gjithë qytetare e drejtues vendore vijnë të kryejnë homazhe në varrezat e dëshmorëve të qytetit të Krujës, ndërsa prej 20 vitesh askush nuk kujdeset për restaurimin dhe mirëmbajtjen e tyre. 

Mungesa e kujdesit ka bërë që këto varreza të shkojnë drejt degradimit total, teksa pamjet e fokusuara nga kamera jonë nuk kanë nevojë për shumë koment.

Prej vitesh familjarë të veteranëve te luftës por edhe qytetarë të shumtë bëjnë apel për rikonstruksionin e varrezave, por deri më tani gjithçka ka rënë në vesh të shurdhër.

Pushteti vendor jashtë kamerave pohon se nuk ka fonde për të ndërhyre, ndërsa pamja që të ofrojnë këto varreza nuk përputhet aspak me atë çka është premtuar ndër vite.

Redaksia online
(f.m/shqiptarja.com)