KRUJE - Një banesë është sulmuar me armë zjarri gjatë natës në fshatin Mazhë e Vogël në Komunën Bubq të Krujës. Banesa është në pronësi të 55-vjeçarit Ndue Kaci me profesion elektricist, ndërsa sulmi është shënuar rreth orës 21:00. 

Kanë qenë mbi 10 plumba të lëshuar ndaj banesës, disa prej të cilëve kanë depërtuar tej për tej në kuzhinë, por fatmirësisht pa të lënduar në njerëz.

shtepia e ndue kaci me logo

Nga të shtënat janë thyer xhamat në katin e parë, ndërsa nga seria e plumbave është dëmtuar dhe makina tip Audi A4 me targë AA 384 FU që ndodhej e parkuar në oborrin e shtëpisë.

shtepia e ndue kaci me logo

Ndërsa autorët dhe motivet e kësaj ngjarjeje ende nuk dihen, hetimet janë përqendruar në një mbishkrim të gjetur në derën e jashtë të banesës ku shkruhet “Largohu Kaurr”

shtepia e ndue kaci me logo

Pronari i shtëpisë, Ndue Kaci në një prononcim për A1 Report thotë se nuk ka asnjë konflikt me banorët e zonës dhe se nuk e di kush mund të jetë autor i këtij sulmi.
 
Ndue Kaçi

“Nuk kam pasur konflikt me asnjë person. Nuk kam emra të dyshuar, shyqyr që shpëtuam. Familjarët u tmerruan, plumbat kanë hyrë në kuzhinë”, thotë ai.

Ekspertët shprehen se arma e përdorur është armë gjahu dhe plumbat kanë qenë të kalibrit 9 milimetra. Polica ende nuk ka të qartë motivin e këtij sulmi, por po mbledh të gjitha provat që mund të identifikojnë autorin.

Redaksia Online
(Gre.M/Shqiptarja.com)