POP 5

Lajmet më të lexuara të 5 minutave të fundit

Kronikë

Mbi 2 orë në SPAK, kryebashkiakja e Lushnjës Eriselda Sefa del nga Prokuroria e Posaçme! Pyetet nga prokurori që po heton shpërthimin në biznesin e Bujar Çelës (VIDEO)

Kryebashkiakja e Lushnjës nuk bëri asnjë komunikim për mediat kur hyri në institucion dhe as kur doli 2 orë e gjysëm më pas. Mbetet i paqartë shkaku i paraqitjes së saj në SPAK, megjithatë bëhet me dije se Sefa është pyetur nga prokurori Sotir Kllapi, i cili po heton shpërthimin e 1 marsit 2024 në biznesin e deputetit Bujar Çela në Lushnjë

Tiranë- Një tjetër zyrtar i lartë vendor u paraqit sot (14 Janar) në Prokurorinë e Posaçme.

Ka qenë kryetarja e Bashkisë së Lushnjës, Eriselda Sefa, e cila u pa teksa hynte në godinën e SPAK në orën 13:50 të mesditës së sotme. 

Zyrtarja socialiste nuk bëri asnjë komunikim për mediat kur hyri në institucion dhe as kur doli 2 orë e gjysëm më pas (16:24). Mbetet i paqartë shkaku i paraqitjes së saj në SPAK, nëse ka të bëjë me aktivitetin e saj si funksionare vendore apo me çështje për persona të tjerë dhe që ajo ka dijeni.

Gjatë daljes nga institucioni i drejtësisë ajo edhe u pyet nëse kishte lidhje ardhja e saj në SPAK, me ngjarjen në biznesin e Bujar Çelës, por Sefa nuk u përgjigj.

Mësohet se Sefa është pyetur në SPAK, nga prokurori Sotir Kllapi, i cili po heton shpërthimin në biznesin e deputetit Çela, ku mbetën të vdekur babë e bir, raporton gazetarja Keti Banushi. Por ende nuk konfirmohet nëse Kllapi po e pyet Sefën mbi këtë ngjarje të rëndë të 1 marsit 2024.

A.Q/G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55