Kryebashkiaku Erion Veliaj: Do rindërtojmë aksin Tiranë-Plepa

Njësia administrative Pezë ka qenë ndalesa e radhës e Kryetarit të Bashkisë së Tiranës Erion Veliaj gjatë turit të dëgjesave për bashkëqeverisjen me njerëzit. Në takimin me banorë të kësaj njësia, kryebashkiaku Veliaj i shoqëruar dhe nga ministrja e Shëndetësisë, Ogerta Manasterliu dhe Kryetarja e PS për Tiranën, Blerina Gjylameti, deklaroi se në bashkëpunim me Autoritetin Rrugor Shqiptar kanë nisur bisedimet për rindërtimin e aksit Tiranë-Plepa që do t’i jepte kryeqytetit një hyrje të re, por njëkohësisht edhe një impuls të ri zhvillimit ekonomik të gjithë zonave ku kalon.

Bashkë me ARRSH-në po gjejmë një fond për rrugën kombëtare Tiranë - Ndroq. Po të kemi të njëjtën frymë bashkëpunimi, siç kemi pasur në këto tre investime kryesore, do të ecim akoma më shpejt

Erion Veliaj

Kryebashkiaku deklaroi se Njësia administrative e Pezës ka qenë dëshmitare e një numri investimesh të cilat do të shtrihen në të gjitha lagjet e saj, teksa shtoi se transformimi ka prekur edhe fshatrat e njësisë.

LEXO EDHE:
Nga takimet zyrtare te prezantimi i TEDA Tirana, Veliaj përmbyll vizitën dy ditore në Japoni: Më shumë bashkëpunime në biznes, turizëm dhe politikë

Veliaj theksoi se Partia Socialiste i kushton një vëmendje të posaçme demokracisë dhe se koha kur jepet llogari para popullit vetëm një herë në 4 vjet kur voton, ka marrë fund.

Ne kemi një parti që llogaridhënien nuk e trajton si një sport një herë në katër vjet, por si diçka që duhet të bëhet përditë

Erion Veliaj

Në bashkëbisedimin me banorët e Njësisë Administrative Pezë, kryebashkiaku Veliaj i inkurajoi që të gjitha shqetësimet e tyre t’i shprehin nëpërmjet portalit për bashkëqeverisjen, ku do të marrin të vëmendjen e duhur.

TAG:
• erion veliaj
• rruga Tiranë-Plepa

Sondazhi i ditës:

A jeni dakord që personat e së njëjtës gjini të martohen ligjërisht?

• Po

  14.9%

• Jo

  82.3%

• Nuk e di

  2.8%

Vota total: 564

Votat totale janë unike

• Sondazhi i ditës:

  A jeni dakord që personat e së njëjtës gjini të martohen ligjërisht?

  Po Jo Nuk e di