POP 5

Lajmet më të lexuara të 5 minutave të fundit

Politikë

Kryebashkiaku i Kavajës, kthehet në ‘imam’, flet para besimtarëve brenda xhamisë së re! Mes tyre edhe deputeti i PS, Etjen Xhafaj

Fushata politike në Shqipëri në kuadër të zgjedhjeve lokale të 14 majit, ka nisur edhe pse jo 'zyrtarisht' , por një rast i pazakontë është shënuar pasditen e djeshme ku kryebashkiaku i Kavajës, Redjan Krali siç duket edhe nga fotoja e publikuar, ka zgjedhur të marrë rolin e ‘imamit’ teksa ka mbajtur fjalim brenda xhamisë së re të hapur në Synej.

Kryebashkiaku i Kavajës, kthehet në ‘imam’, flet para besimtarëve brenda xhamisë së re! Mes tyre edhe deputeti i PS, Etjen Xhafaj

Redjan Krali dhe Etjen Xhafaj në xhamnë 'Synej' në Kavajë

Fushata politike në Shqipëri në kuadër të zgjedhjeve lokale të 14 majit, ka nisur edhe pse jo 'zyrtarisht', por një rast i pazakontë është shënuar pasditen e djeshme ku kryebashkiaku i Kavajës, Redjan Krali siç duket edhe nga fotoja e publikuar, ka zgjedhur të marrë rolin e ‘imamit’ teksa ka mbajtur fjalim brenda xhamisë së re të hapur në Synej.

Krali shihet me mikrofon në dorë ndërsa u drejtohet besimtarëve mes të cilëve shihet i ulur edhe deputeti i PS, Etjen Xhafaj i cili së fundmi shoqëron Kralin gjatë takimeve të tij me qytetarët në Kavajë ku edhe ka marrë mandatin si ligjvënës.

Kryebashkiaku mbajti edhe fjalën e tij, teksa uroi besimtarët për nisjen e muajit të Ramazanit.

“Selam Alejkum të gjithëve, iu falënderoj për ftesën, nuk do zgjatem dhe shumë, ju uroj për muajin e madhërishëm për muajin e sakrificave, Allahu ua mundësoftë dhe ua pranoftë”- tha Krajli.

Por pa hyrë në detaje të tjera të cilat duhen zbatuar sipas fesë siç është marrja e abdesit para hyrjes në xhami, ajo çfarë bën përshtypje është fakti se është totalisht e ndaluar që institucionet fetare të kthehen në salla mbledhjesh për cilëndo parti politike.

Redjan Krali me njërin prej imamëve të xhamisë në Kavajë dhe me rreth të kuq Etjen Xhafaj

Kujtojmë se që prej janarit të këtij viti, KQZ njoftoi nisjen e monitorimit për të ndaluar promovimin e investimeve me pjesëmarrjen e zgjedhësve/elektoratit, përfaqësuesve të partisë politike duke e konsideruar si veprimtari politike zgjedhore. Sipas KQZ-së pjesëmarrja e punonjësve të administratës brenda orarit zyrtar të punës në këtë lloj veprimtarie konsiderohet shkelje e dispozitave të Kodit Zgjedhor.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 24/03/2023 00:01

    Se pari,aty ka ardhur si bashkiak e si person privat,jo si perfaqesues partie,se dyti,ne se fjalet e cituara ne artikull jane te vetmet qe ka thene e asgje tjeter,nuk shoh ndonje problem dhe as ndonje propagande zgjedhore,por personalisht mendoj se shteti duhet t'a ruaje me force laicitetin e tij.

    Përgjigju
  • Ruti: 23/03/2023 22:11

    Mullah Etjeni, po ti?

    Përgjigju
  • Beni: 23/03/2023 18:20

    Po dhe aty ne vendin qe presupozohet te jete paqesor dhe neutral po beni fushate o politikane qelbesira ? Ai imam apo cfare i bie te jete nuk duhet te lejoje qe te ndodhin keto gjera madje institucionet fetare duhet te marin masa

    Përgjigju
  • Dnfn: 23/03/2023 16:27

    Per kete parti qe ka ndryshuar emrin, politika eshte me e forte se feja.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Presidenti ukrainas Zelensky: Kemi çdo shans për t'i dhënë fund luftës në 2025-ën

Presidenti ukrainas Zelensky: Kemi çdo shans për t'i dhënë fund luftës në 2025-ën

24 Nëntor, 08:24