Në muajin maj Greqia do të mbajë zgjedhjet e reja parlamentare. Lajmi u dha nga kryeministri Kyriakos Mitsotakis mandati i të cilit përfundonte në muajin korrik, i cili do të kërkojë një tjetër besim nga qytetarët për të drejtuar vendin dhe për 4 vite.

“Nëse do të votohej në korrik me shumë mundësi do të kishte nevojë dhe për një raund të dytë”, tha kryeministri duke i lënë dhe rëndësinë e duhur sezonin turistik që në atë kohë është në kulm në vendin fqinj.

Analistët e kanë vlerësuar vendimin  për të afruar zgjedhjet si të ndikuar nga aksidenti hekurudhor në Larisa ku 46 persona humbën jetën, ndërkohë që mbi 130 të tjerë mbetën të lënduar.