Greqia mbështet perspektivën europiane të Shqipërisë dhe përpjekjet e saj për çeljen e negociatave. Deklarata është bërë nga kreu i qeverisë greke Aleksis Cipras në një takim të zhvilluar në Bukuresht me homologen e tij rumune Viktoria Dancila, në kuadër të kryesimit të presidencës europiane nga Rumania.
Greqia dhe Rumania mbështesin perspektivën europiane të Shqipërisë dhe Maqedonisë së Veriut.
"Mbështesim përpjekjet e këtyre dy vendeve për tu përballur me sfidat e mëdha që kanë përpara, nëpërmjet reformave demokratike, ekonomike duke plotësuar kriteret aderuese për në BE", është shprehur kryeministri grek.
![](https://shqiptarja.com/template/img/NO_ALFA_Kuadrate shqiptarja.png)
"Marrëveshja e Prespës për emrin e ri Maqedonia e Veriut është një model qe duhet ndjekur edhe nga vendet e tjera të rajonit të Ballkanit për zgjidhjen e konflikteve", shtoi më tej kreu i ekzekutivit të Athinës zyrtare.
"Marrëveshja e Prespës jep dinamika të reja në Ballkan dhe është një model bashkëpunimi, i cili tregoi se konfliktet zgjidhen përmes bashkëpunimit ekonomik dhe kulturor. Kështu ne mund t i japim një perspektivë paqes, stabilitetit dhe zhvillimit ekonomik nër të gjithë Ballkan".
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
thank you afgaristo poli
Përgjigju