Krijueset e xhubletave, endëset e pëlhurave të mëndafshta, thurëset e durueshme të qilimave, qëndistaret e stolive të arta, që sot e tutje Shqipëria duhet të shpalosë durimin dhe artin femëror të punëve të bukura për të hyrë përfundimisht në shtëpinë që meriton dhe ëndërron: Bashkimin Europian. Një qëndistare shqiptare hedh fillin në perfektësinë e formave dhe ngjyrave dhe njëkohësisht ëndërron. Punon, prodhon bukuri dhe ëndërron. Këtu duhet ta marrim të gjithë frymëzimin për të mos u tërhequr më me forcë nga asnjë pushtet i botës së nënposhtme si komunizmi enverist, apo forcat dhe individët shkatërrimtarë të tranzicionit postdiktaturë. Qëndistarët e sotëm janë të rinjtë e të rejat, njerëzit e administratës, politika dhe të gjithë jashtë dhe brenda saj, që ndërtojnë strukturat e shtetit në internetin e pamatë dhe e vendosin në përdorim të qytetarëve si të ishte Epitafi modern i Gllavenicës, thurur me ar dhe mëndafsh. Po aq i bukur, i saktë dhe mistik duhet të jetë Shteti shqiptar Europian.
Nisim sot Negociatat me Bashkimin Europian, me zemrën pulsante nga ku rrjedh gjaku dhe jeta jonë. Në këtë foto të bukur të Kel Marubit të vitit 1930 qëndrojnë bashkë At Gjergj Fishta, Asdreni, Lasgush Poradeci dhe Ernest Koliqi, në këtë foto është bukuria e shpirtit dhe dëshira e madhe e shtetformimit shqiptar. Arti dhe mendja, Arti dhe eleganca, dija, mendimi, logjika, dëshira dhe ëndrra, të gjitha bashkë. Qëndruan fort dhe bukur derisa errësira dhe forca e nënposhtme i zhduku për 45 vite të rënda izolimi dhe mungese totale lirie. Nuk flasim për ata që jetuan mirë dhe krijuan të lumtur edhe në kafaz. Flasim për një popull të tërë që përbëhet prej mijëra ngjyrash, prej miliarda mendimesh e krijimesh. Ajo që u shua, sot jeton dhe është gati të vazhdojë fillin e këputur nga drapër e çekan.
Tani, më shumë se kurrë, Shqipëria ka nevojë për artin e njerëzve të saj të mrekullueshëm. Janë mes nesh, punojnë, krijojnë. Shqiptarët kanë nevojë për qetësinë, sigurinë, rregullat dhe respektin, pastaj ata (ne) dinë ta rimëkëmbin veten. Si europianë!
Lajme të tjera
-
Augustin Palokaj: Masa të padrejta, të paqarta, të pakufizuara dhe jotransparente
23 Dhjetor, 20:10
-
NATO trajnon trupat ushtarake ukrainase në Lituani dhe Poloni
22 Dhjetor, 21:59 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Kujtohet në vendlindje Lasgush Poradeci, bojkoton e bija! Aktivitet kulturor për 125 vjetorin e lindjes së poetit
20 Dhjetor, 16:49 -
Demush Shasha: Kokëfortësia e dilemës evropiane
19 Dhjetor, 21:02
-
Shqipëri-BE marrëveshje bashkëpunimi për sigurinë e mbrojtjen, jep 13 milionë euro për ushtrinë! Rama: Lidhje e pandashme! Hasani: Luftojmë kërcënimet kibernetike
18 Dhjetor, 11:31 -
'Jeni zgjedhur pa asnjë kushëri dhe parti', Rama me stafin civil e ushtarak shqiptar në NATO: Kushedi sa italianë e gjermanë keni lënë pa punë
17 Dhjetor, 19:50 -
Kryeministri Rama takim me kreun e NATO-s Mark Rutte: Mbështetës i paepur i Shqipërisë
17 Dhjetor, 17:40 -
Kujtimet e ish-Ipeshkvit të Shkodrës: Neveria ime per Migjenin
17 Dhjetor, 08:44 -
14 vite nga liberalizimi i vizave me BE, Basha: Misioni i radhës është heqja e vizave me aleatin strategjik SHBA-të
15 Dhjetor, 14:15 -
BE-ja angazhohet për integrim konkret për vendet e rajonit
14 Dhjetor, 22:00 -
Bullgaria dhe Rumania bëhen anëtare të plota të zonës Schengen
12 Dhjetor, 11:49
