Liderët e Bashkimit Evropian (BE) duhet t’i kushtojnë më shumë vëmendje mungesës së stabilitetit në Ballkanin Perëndimor, posaçërisht në Bosnje e Hercegovinë dhe Serbi, tha të enjten kryeministri i Kroacisë, Andrej Pllenkoviç.
“Duhet ta vëzhgojmë gjendjen në Evropën juglindore, posaçërisht stabilitetin e Bosnje e Hercegovinës dhe situatën në Serbi”, tha Pllenkoviç para samitit të BE-së në Bruksel.
"Ka kaq shumë ngjarje globale për momentin, është koha që një pjesë e asaj vëmendjeje të fokusohet edhe në një rajon që është treguar shumë i ndezshëm gjatë 35 vjetëve të fundit", deklaroi Andrej Pllenkoviç për gazetarë.
Ai po i referohej krizës më të rëndë politike në Bosnje që nga përfundimi i luftës së saj 1992-95, e shkaktuar nga lëvizjet separatiste të Republikës Sërpska, pasi lideri i saj, Millorad Dodik, u dënua me një vit burg për shpërfilljen e vendimeve të Përfaqësuesit të Lartë ndërkombëtar.
Pllenkoviç gjithashtu iu referua edhe protestave disamujore kundër Qeverisë në Serbi, pas vdekjes së 15 njerëzve nga shembja e një strehe prej betoni në stacionin hekurudhor në Novi Sad në nëntor.
Pllenkoviq i komentoi edhe deklaratat e presidentit të Serbisë, Aleksandër Vuçiç, i cili të mërkurën tha se Koracia dhe Shqipëria e kanë hapur “një garë armësh” duke nënshkruar memorandum për bashkëpunim në mbrojtje me Kosovën.
Sipas transmetuesit publik kroat, HRT, kryeministri kroat deklaroi në Bruksel se e kupton që në Serbi po përpiqen të kërkojnë probleme diku tjetër, por se ato nuk gjenden në memorandumin e bashkëpunimit në fushën e mbrojtjes, e nënshkruar rishtazi mes Kroacisë, Kosovës dhe Shqipërisë.
"Ky është një memorandum për bashkëpunim të përbashkët, nuk ka asnjë karakter armiqësor, kështu që e kuptoj që tani po kërkohen probleme diku tjetër, por në këtë tekst ato nuk ekzistojnë", tha Pllenkoviq duke iu përgjigjur pyetjes për deklaratën e presidentit serb, Aleksandër Vuçiç.
Lideri serb tha se memorandumi përbën shkelje të të ashtuquajtures marrëveshje nënrajonale për kontrollin e armatimit nga viti 1996 dhe se është "pothuajse i sigurt" që për këtë nuk është njoftuar NATO-ja.
Pllenkoviç nguli këmbë se ky memorandum ndihmon përpjekjet e Kosovës dhe Shqipërisë në reformat e tyre dhe në shkëmbimin e përvojave./REL
Komente
Lajme të tjera
-
Rama: PS-ja sot sikurse PD-ja më 1992, në momentin dhe kohën e duhur për anëtarësimin e vendit në BE! S’kemi kohë të torollisemi, duam votë të thellë
21 Mars, 09:28 -
Bruksel/ I treti brenda 6 javësh, mbahet samiti me 27 liderët e BE për luftën në Ukrainë dhe riarmatimin e bllokut: Mbështetje e palëkundur për Kievin, por pa Hungarinë
20 Mars, 18:08 -
BE shtyn tarifat ndaj SHBA-së deri në mes të prillit
20 Mars, 17:32 -
'Mësim' nga IPA dhe IPARD, qeveria strategji për të mbrojtur fondet e BE: Hetim 'pa radhë' abuzimeve, IT e sofistikuar për të 'kapur' shkeljet
20 Mars, 17:17
-
Osmani: Drafti i Asociacionit nuk është në përputhje me Kushtetutën
20 Mars, 16:55 -
A po formohet një aleancë ushtarake në Ballkan?
20 Mars, 13:22 -
Kryeministrja Meloni: Pakti me Shqipërinë për emigrantët, shembull për Europën
19 Mars, 22:08 -
Basha takim me strukturat dhe kandidatët e Degës 2 në Tiranë: Fokus te pronat, të përndjekurit dhe familja
19 Mars, 22:06 -
BE-ja shpalos strategjinë e re të sigurisë, të reduktohet roli i SHBA-së, të rriten blerjet e armëve evropiane
19 Mars, 20:07 -
Von der Leyen reagon për arrestimin e kryetarit të bashkisë së Stambollit: Turqia duhet të mbrojë vlerat evropiane
19 Mars, 18:52 -
Begaj takim me ambasadorët austriakë në Ballkan: Vendi juaj ka ndihmuar Shqipërinë në momentet kyçe të historisë, përfshirë edhe anëtarësimin në BE
19 Mars, 14:20 -
A mund të bëhet BE-ja superfuqi ushtarake?
19 Mars, 09:34
