POP 5

Lajmet më të lexuara të 5 minutave të fundit

Arkiva

Kryeministri Mustafa sot në Vërmicë, portën më të madhe Kosovë-Shqipëri

PRISHTINË, 30 Janar /ATSH-Behlul Jashari/.- Kryeministri i Kosovës, Isa Mustafa, viziton sot pasdite vendkalimin doganor në Vermicë, portën më të madhe të komunikimeve me Shqipërinë, afër Prizrenit dhe Kukësit. Në vendkalimet kufitare Kosovë-Shqipëri, viti 2014 ka shënuar rritje të fluksit të njerëzve me 19,312 % dhe të automjeteve me 21,883 %, krahasuar me vitin 2013, bënte të ditur […]
/ATSH-Behlul Jashari/.- Kryeministri i Kosovës, Isa Mustafa, viziton sot pasdite vendkalimin doganor në Vermicë, portën më të madhe të komunikimeve me Shqipërinë, afër Prizrenit dhe Kukësit. Në vendkalimet kufitare Kosovë-Shqipëri, viti 2014 ka shënuar rritje të fluksit të njerëzve me 19,312 % dhe të automjeteve me 21,883 %, krahasuar me vitin 2013, bënte të ditur në fillim të 2015-tës Policia kosovare ekskluzivisht për ATSH-në.

Në vendkalimet kufitare Vërmicë, Qafë Prush dhe Qafë Morinë në vitin 2014 kishte 4 262 588 hyrje-dalje të personave, 689 940 më shumë se në vitin 2013, kur kishte 3 572 648 hyrje -dalje. Në këto tre porta kufitare në 2014 kishte 1 623 882 hyrje-dalje të automjeteve, 291 553 më shumë se në vitin 2013 kur kishte 1 332 329 hyrje-dalje. Në 2014-tën, vetëm në Vërmicë-Morinë në hyrje drejt Kosovës kishte 1 936 660 perona dhe në dalje drejt Shqipërisë 1 747 567, ndërsa, automjete në hyrje kishte 658 551, e në dalje 723 523.
"Bashkëpunimit Kosovë-Shqipëri do t'i japim prioritet maksimal", ka thënë Isa Mustafa në konferencën e parë për shtyp si kryeministër i qeverisë së re kosovare, duke theksuar axhendën  evropiane të përbashkët të dy shteteve, i pyetur nga ATSH. "Ne, në një formë i kemi bashkërenditë objektivat tona që në fund  të muajit mars të kemi një takim të dy qeverive në Shqipëri", ka shtuar kryeministri i Kosovës duke paralajmëruar edhe një vizitë së shpejtë në Tiranë, për të cilën, siç ka theksuar, ka ftesën e hapur.

"Do të përgatitet projekti për lidhjen hekurudhore me Shqipërinë", ka paralajmëruar kryeministri i Kosovës Isa Mustafa duke folur për bashkëpunimet mes dy vendeve në prezantimin e programit qeverisës me rastin e zgjedhjes së qeverisë së re në Kuvendin kosovar, të zgjedhjeve 2014. 
 

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Identifikohet i dashuri i vajzës që alarmoi policinë në 'Astir', blutë në kërkim të tij

9 Janar, 21:50