POP 5

Lajmet më të lexuara të 5 minutave të fundit

Bota

Kryeministri sllovak i nënshtrohet një operacioni tjetër, në gjendje të rëndë shëndetësore

 Ministri i Mbrojtjes së Sllovakisë, Robert Kalinak, ka deklaruar se kryeministri Robert Fico i është nënshtruar një operacioni tjetër

Kryeministri sllovak i nënshtrohet një operacioni tjetër, në gjendje të rëndë shëndetësore

Robert Fico duke u transportuar për në spital

 Ministri i Mbrojtjes së Sllovakisë, Robert Kalinak, ka deklaruar se kryeministri Robert Fico i është nënshtruar një operacioni tjetër.

“Kryeministri sllovak Robert Fico i është nënshtruar një operacioni tjetër këtë mëngjes që zgjati dy orë e gjysmë”, tha ministri i Mbrojtjes, Robert Kalinak për gazetarët.

Më tej ministri i Mbrojtjes tregoi se gjendja shëndetësore e Ficos mbetet e rëndë.

Gjendja e tij shëndetësore është ende shumë e rëndë, ndoshta do të duhen disa ditë për të parë se si do të vazhdojë”, tha ai paraditen e sotme jashtë ambienteve të spitalit Banska Bistrica ku vijon të jetë i shtruar kryeministri.

Kryeministri sllovak Robert Fico kishte shkuar të mërkurën e 15 majit 2024 për të zhvilluar një takim me mbështetësit e tij jashtë Shtëpisë së Kulturës në qytetin Handlova rreth 150 kilometra larg kryeqytetit, Bratislavë kur u qëllua me 4 plumba, në gjoks, stomak, gjymtyrë dhe në arterie. Menjëherë pas incidentit policia arrestoi autorin e plagosjes, një shkrimtar 71-vjeçar, i identifikuar si Juraj Cintula.

Gjatë marrjes në pyetje autori deklaroi se e kreu këtë akt, sepse nuk ishte dakord me qeverisjen nën drejtimin e Ficos. Plagosja e rëndë e Robert Fico ka trazuar jo vetëm ujërat e politikës vendase por edhe asaj europiane që thonë se ngjarja mund të ketë ndikim në zgjedhjet europiane.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Ilir Beqaj në burg për dosjen SASPAC, i kërkon Apelit të GJKKO-së masë më të butë sigurie, avokatët: S' ka rrezik të ikë jashtë

Ilir Beqaj në burg për dosjen SASPAC, i kërkon Apelit të GJKKO-së masë më të butë sigurie, avokatët: S' ka rrezik të ikë jashtë

22 Korrik, 14:58