Kryeprokurorja Imeraj: Punonjës të përmbarimit blenë të dhënat e shqiptarëve, i përdorën për punët e tyre

Kryeprokurorja e Tiranës, Elizabeta Imeraj tha se subjektet private të cilat kanë blerë të dhënat janë persona në fushën e përmbarimit, të cilët janë arrestuar. Ndërsa qëllimi i blerjes së të dhënave është përdorur për punën e tyre, por detajet janë ende nën hetim nga prokuroria.

'Grupi hetimor ka qenë i devotshëm në kryerjen e veprimeve duke përfshirë dhe nxjerrjen e qëllimit të publikimit të këtyre të dhënave. Nga ana jonë deri në këto momente është zbuluar mekanizimi i ngjarje sesi këto të dhëna të përftuar kanë mundur të aksesojnë dhe ti përdorin. këto të dhëna janë shitur. Prokuroria është e vendosur të hetojë çdo lloj subjekti apo individ që kanë një qëllim të caktuar. Në raport se kush janë subjketet, janë persona që punojnë në fushën e përmbarimit të cilët këto të dhëna personale i kanë përdorur për qëllime të punës së tyre. Jemi në fazën kur kemi punonjës shtetërore, që i kanë përdorur dhe shitur ato, dhe më pas për persona të tjerë që i kanë blerë.'- tha Imeraj.

Lajmi kryesor:

EMRAT/Skandali me publikimin e pagave, 4 të arrestuar! Prokuroria: 2 specialistët e IT te Tatimet ia shitën të dhënat për 20 mijë lekë 2 përmbaruesve! Hetojmë qëllimin e shpërndarjes së të dhënave

M.Q./r.k./Shqiptarja.com

TAG:
• Arrestime
• drejtoria e tatimeve
• prokuroria e tiranes
• skandali i pagave