Më 13 qershor demokratët votojnë për kreun e ri të Partisë Demokratike. Propozimi i Gazment Bardhit për një palë zgjedhje shpejt e shpejt u miratua në Kryesi dhe është konfirmuar edhe në Këshillin Kombëtar të partisë. Kështu pas gati 1 muaj demokratët do të shkojnë drejt kutive të votimit për të votuar lidershipin e ri. Vendimi është i miratuar në mënyrë unanime edhe në Kryesi edhe në Këshill Kombëtar. Propozimi u bë fillimisht nga Sekretari i Përgjithshëm i Partisë Demokratike, Gazment Bardhi. Këshilli Kombëtar miratoi gjithashtu edhe vendimin e kryesisë për përbërjen e komisionit të zgjedhjeve për kryetarin e PD me 13 qershor.
Në mbledhjen e Këshillit Kombëtar, ka spikatur fjala e kreut të këtij institucioni drejtues në PD, Bujar Nishani ka kërkuar dorëheqjen e parevokueshme të Lulzim Bashës. Bujar Nishani ka thënë se kjo është situata më e keqe që ka kaluar PD që prej vitit 1997.
I pyetur nga një prej anëtarëve të KK e cili është mekanizmi që ka 'që Rama s'do i vjedhë më zgjedhjet' Basha ka thënë se do e tregojë gjatë fushatës.
Kandidati për kryetar i PD, Fatbardh Kadilli në mbyllje të mbledhjes shprehu vendosmërinë për të vijuar garën e tij deri në zgjedhje më 13 qershor. Ai tha se Basha nuk reflektoi dhe nuk e dha dorëheqjen.
Në mbledhjen e Kryesisë Bardhi propozoi edhe që të analizohet puna e secilit në një mbledhje të veçantë në Kryesi dhe më pas në çdo qendër votimi. Sipas tij në këtë parti nuk ka asnjë njeri të padobishëm
"I propozoj kryesisë fillimin e procesit zgjedhor për kryetar të PD. Secili prej anëtarëve të Kryesisë që ka shpallur ambicien të ketë mundësinë ta shpjegojë vizionin tij në institucione, pa paragjykuar askënd, një garë të drejtë e të barabartë, kur demokratët të gjykojmë lidershipin aktual", ka propozuar Bardhi.
Sipas tij nga 16 deri më 22 maj të bëhet paraqitja e kërkesës për kandidim nga ata që përmbushin kriteret. Nga datat 24 maj deri më 11 qershor të jetë periudha e fushatës në të gjitha strukturat. Dhe në 13 qershor të bëhen zgjedhjet sipas parimit 'Një anëtar, një votë'.
Kujtojmë se para se të nisë mbledhja e Këshillit Kombëtar kreu i këtij institucioni Bujar Nishani i ftoi mediat të ishin të pranishme por gazetarët nuk janë lejuar të futen brenda. Nga drejtuesit e Partisë Demokratike është marrë vendimi që mbledhja të bëhet me dyer të mbyllura.
Më herët Partia Demokratike zhvilloi edhe mbledhje e Kryesisë së Partisë, mbledhje e cila kjo u karakterizua nga fjalimi i fortë i Fatbardh Kadillit i cili ia kërkoi edhe përballë Lulzim Bashës dorëheqjen.
Mbledhjet e sotme shënuan edhe përballjen e parë të Bashës me kritikët e tij në PD, të cilët i kërkojnë dorëheqjen pasi e bëjnë përgjegjës për humbjen në zgjedhje.
.jpg)
.jpg)
Vendimet e mara sot në mbledhjen e Kryesidë dhe Këshillit Kombëtar të PD
Kandidati për kryetar i PD-së, Fatbardh Kadilli, pas mbledhjes së Këshillit Kombëtar ka folur për mediat dhe ka shprehur vendosmërinë për të vijuar garën e tij deri në zgjedhje më 13 qershor.
"Duhet t’u jap shpresë të gjithë shqiptarëve sepse nesër do kemi një PD më të madhe se kryetari, një PD më të madhe se vetë PD-ja, për të bërë një Shqipëri të shekullit 21. Një PD e shekullit 21, një PD e ndryshuar mund të ndryshojë Shqipërinë. Nuk ndryshojmë dot kundërshtarin, do të ndryshojmë veten dhe aleanca jonë e vetëm është që përballë krimit të kemi qytetarin. Qytetarët nuk mund ti akuzojmë, qytetarëve t’u japi shpresë. Unë që flas, jam për qytetarin që është politik, jo qytetari që e trajtojmë vetëm me oferta materiale. Besimi është ajo që do të krijojë me qytetarin. Do t’ia dalim, jam i bindur. Demokracia është e vështirë, është gjatë është rrugë për votën është rrugë për çdo moment lirie, është vetëm një brez larg prandaj duhet ta mbrojmë të gjithë ne. Jam i vendosur për t’i shkuar deri në fund përtëritjes së gjithë energjive, jo vetëm të PD-së, por të gjithë shoqërisë shqiptare", tha ai.
Këshilli Kombëtar i PD miraton datën, më 13 qershor demokratët votojnë për kreun e ri të PD
Është konfirmuar edhe nga Këshilli Kombëtar propozimi që data 13 qershor të jetë dita kur demokratët do të shkojnë drejt kutive të votimit për të votuar për kryetarin e ri të Partisë Demokratike. Votimi është bërë me votë unanime.
Gjatë mbledhjes së Këshillit Kombëtar të PD-së, Lulzim Basha, është pyetur nga Idrit Hoxha, një prej anëtarëve të nismës për PD, se cili është mekanizmi që ka 'që Rama s'do i vjedhë më zgjedhjet'.
Basha ka thënë se këtë strategji do ta shpalosë gjatë fushatës që do të bëjë për kryetar të PD.
Pyetjes se 'a do betohuni para Gramoz Rucit në shtator', Basha i është përgjigjur thjeshtr 'Po' duke konfirmuar se do të jetë deputet në shtator.
Kryetari i Partisë Demokratike, Lulzim Basha, i ka bërë një 'sfidë' anëtarëve të Këshillit Kombëtar të Partisë Demokratike.
"Zgjidhni dhe dua t'ju shoh të gjithëve në sy. Ose zgjedhjet janë të vjedhura dhe vazhdojmë në betejë, ose nëse për ju janë në rregull, atëherë unë jap dorëheqjen tani", ka thënë Basha.
Në mbledhjen e mbajtur në Këshillin Kombëtar të Partisë Demokratike, ka mbajtur një fjalë edhe kandidati për kryetar i kësaj partie, Fatbardh Kadilli.
Ai ka bërë një paralelizim me mbështetjen absolute që kishte Berisha kur drejtonte PD-në dhe që iku kur humbi zgjedhjet me situatën e Bashës sot.
"Nuk ka nevojë të tregoni mbështetjen për Kryetarin. edhe Sali Berisha kishte mbështetje absolute, por e dinte kur duhet te ikte nga drejtimi i Partisë. Burri duket jo kur merr pushtetin, por kur vendos që duhet të heq dorë nga pushteti", ka thënë Kadilli.
Në mbledhjen e Këshillit Kombëtar, kreu i këtij institucioni drejtues në PD, Bujar Nishani ka kërkuar dorëheqjen e parevokueshme të Lulzim Bashës. Bujar Nishani ka thjënë se masakra elektorale është vetëm gjysma e së vërtetës.
"Arsyet e mosfitores këtu në Tiranë janë të ndryshme në qarqe të ndryshme për shembull. Kjo do analizë por vetëm pasi të kemi dëgjuar ata që bëjnë të mundur ekzistencën e kësja partie, bazën e strukturat. Situata sot në bazën e partisë është dramatike, anëtarët janë të dëshpëruar, janë zemërthyer, besimhumbur si asnjëherë më parë.
U dëshpëruan dhe u zhgënjyen nga dështimi i çadrës në 2017-n por përsëri e rikuperuan atë, u dëshpëruar nga marrëveshje me Edi Ramën por përsëri e rikuperuan, u dëshpëruan nga dështimi i aksionit politik që nisi me lënien e mandateve në Kuvend por përsëri e rikuperuan, u dëshpëruan nga dështimi dhe kostoja e madhe politike që morëm nga braktisja e zgjedhjeve të vitit 2019 por përsëri e rikuperuan. Ndërsa sot dëshpërimi është i paimagjinueshëm", ka thënë Nishani.
Kryetari i Partisë Demokratike, Lulzim Basha, në mbledhjen e Këshillit Kombëtar ka thënë se në sfidën që ka përpara e mbështesin të gjithë demokratët dhe të gjithë shqiptarët.
"Ajo që na pret përpara është një sfidë e madhe. Por ne kemi me vete mbështetjen e jashtëzakonshme nga demokratët dhe gjithë shqiptarët. Ajo që na pret përpara është një sfidë e madhe, por të mos harrojmë atë që kemi ndërtuar dhe arritur së bashku, të mos harrojmë kë dhe çfarë kishim përballë, të mos harrojmë mbështetjen e jashtëzakonshme që morëm nga demokratët dhe gjithë shqiptarët", tha ai.
Basha ka thënë se aspiratën për ndryshim e mishëron sot vetëm Partia Demokratike e Shqipërisë
"Nuk ka sot vend tjetër në Shqipëri, nuk ka sot një bashkim të këtyre përmasave dhe cilësive, mendjesh dhe zemrash, që mund ta bëjë realitet aspiratën tonë dhe të gjithë shqiptarëve për ndryshim dhe demokraci. Përveçse këtu ne mesin tone. Ky vend është Partia Demokratike. Prandaj ne do të vazhdojmë të luftojmë të bashkuar derisa demokracia të fitojë", tha Basha.
Basha ka thënë gjithashtu se sipas tij regjimi Rama-Doshi ka zgjedhur një sistem qe i përmbys vlerat, që mjetet e të keqes i konsideron më të vlefshem se mjetet e të mirës.
"Që legjitimon përdorimin e krimit dhe që nuk lë shteg tjetër vecse futjen e vendit në një spirale vicioze, ku bandave i duhet përgjigjur me banda, vjedhjes me vjedhje, antivlerave me antivlera. Por a është ky misioni ynë? A është kjo ajo që në duam për Partinë Demokratike? Ajo që ne duam për të ardhmen e këtij vendi? Përgjigja ime është jo. Jo dhe prapë jo! Kjo nuk mund të jetë alternative jonë për Shqipërinë. Prandaj nuk do ndalemi asnje cast derisa të çmontojmë këtë regjim dhe vlerat që i ndajmë me shumicën dërrmuese të shqiptarëve të triumfojnë", ka deklaruar Basha
Edhe pse kreu i Këshillit Kombëtar Bujar Nishani i ftoi mediat që të ishjin të pranishme në mbledhjen e këtij këshilli, gazetarët nuk janë lejuar të futen brenda. Nga drejtuesit e Partisë Demokratike është marrë vendimi që mbledhja të bëhet me dyer të mbyllura.
Teksa pritet që të merret vendimi për zgjedhje brenda partisë më 13 qershor, në PD janë propozuar edhe emrat që pritet të jenë pjesë e Komisioni Zgjedhor në PD në këtë forcë politike.
Emrat:
Jemin Gjana kryetar
Albana Vokshi anëtar
Belind Kelliçi anëtar
Eno Bozdo anëtar
Mimoza Hasekiu anëtar
Albert Avduli anëtar
Gjoke Vuksani anëtar
Ervin Minarolli ndihmës
Lulzim Omuri ndihmës
Ish anëtari i Këshillit Kombëtar të Partisë Demokratike, Edvin Kulluri, e cilëson një ecje drejt varrosjes përfundimtare tyë Partisë Demokratike propozimin që zgjedhjet të bëhen në një periudhë kaq të shkurtër në këtë force politike pas humbjes së zgjedhjeve të 25 prillit.
Kulluri ka thënë në Report Tv se Lulzim Basha hoqi mundësinë për debat me datën e afërt të zgjedhjeve. Sipas tij kësaj i thonë t'i vësh kyçin partisë.
"Nëse vazhdohet kjo mënyrë funksionimi, me këto palë zgjedhje, atëherë Partia Demokratike po varros veten e vet. Prapë këtë do dëgjojmë ne edhe 8 vite. Një njeri që nuk fiton ikën. Lulzim Basha po vazhdon ta mbajë peng partinë që kur e rrëmbeu në vitin 2017", tha Kulluri ndër të tjera.
Komente
Lajme të tjera
-
Protesta e PD/ Ngjela për Report Tv: Kur nuk ke mbështetje, krijon akte dhune! Berisha duhet të ikë
24 Dhjetor, 19:11 -
Protesta e PD/ Kulluri: Pjesëmarrja për turp! Elezi: Pse nuk bllokojnë godinën e ‘narko shtetit’, po u nxijnë jetën qytetarëve?
24 Dhjetor, 18:50 -
Ylli Pata: Logjika politike e guerriles së senatorëve të Sali Berishës
24 Dhjetor, 18:33
-
Përplasja fizike në Kuvend, Luan Baçi i del në mbrojtje Agron Shehajt, kundër Flamur Nokës
24 Dhjetor, 18:31 -
Rrëzohen të vegjlit për Kodin Zgjedhor, Elezi: Akt tradhtie, Berisha shiti zgjedhjet! Kulluri: Shqiptarët do zgjedhin rreth 20 deputetë
24 Dhjetor, 18:03 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Gjykata Kushtetuese rrëzon ankimimin e partive të vogla për Kodin Zgjedhor: Pretendime të pabazuara, nuk cenohet barazia para ligjit (VENDIMI)
24 Dhjetor, 16:23 -
Protesta e PD-së, Martin Leka në Report Tv: Po kthehet në rutinë, Berisha nuk ka njerëz! Përdor propagandë për të karikuar simpatizantët! Më shumë kishte policë
24 Dhjetor, 13:56 -
‘Propagandë me TikTok-un, por janë kokë e këmbë në EncroChat’, Basha: Më 11 maj të pastrojmë politikën nga të korruptuarit
24 Dhjetor, 12:35 -
Humbi ndjenjat në protestë, videoja që rrëzon pretendimin e Gjekmarkajt! QSUT: S'ka problem shëndetësor! Policia: S'e goditi askush! Deputeti: Më shtynë brutalisht
24 Dhjetor, 11:02 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Protesta e PD-së, 7 të arrestuar, 21 protestues në hetim! Noka goditi efektivin, procedohet penalisht bashkë me 39 deputetë e zyrtarë të opozitës (EMRAT)
24 Dhjetor, 09:44
Pd-ja nuk eshte me shume se nje parti ordinere e klasit pare.Po kur thone eshte aset kombetar,te vjen per t'vjelle.Parti,qe shtylle kurrizore ka mashtrimin.
PërgjigjuIk mor palle se shkaterove dynjan spiun i serbit
PërgjigjuBasha duke menduar se po largon vemendjen nga kerkesa per largimin e tij,po mban "fushate paszgjedhore' duke vazhduar me parullen"PS i vodhi votat" dhe lufte deri ne rrezimin e Rames dhe PS fitueses legjitime,si askush deri tash nder shqiptaret e ndoshta edhe me gjere.PD gjithesesi duhet te reformohet,duke larguar "klanin e vjeter" dhen [programin e tyre,te cilet ende po shvtyhen ne "brryla"e duke sjellur kuadro e rpograme te reja,qe do t'i zbatojne drejtuesite e ri te PD-s.
PërgjigjuIk o gomar ,,se late nam,,me ty basha ,,me sali kriminelin,,,dhe kopene e malokeve edi rama tall k...et...
PërgjigjuRri urte o kadilli..apo do te perfundosh si olldashin me kafke te care ne ndonje perrua....nuk e leshon partine saliu me qenin e tij zagar basha...
Përgjigjudo ju tregoj ...... ky eshte perfundimisht idiot .tallje trapi komplet.
Përgjigju