POP 5

Lajmet më të lexuara të 5 minutave të fundit

Politikë

Kryeson delegacionin shqiptar në Asamblenë e OKB, presidenti Begaj niset drejt SHBA-së! Shqipëria drejtuese e Këshillit të Sigurimit

Presidenti Bajram Begaj, do të niset sot (17 shtator) për në New York, SHBA ku do të kryesore delegacionin e Shqipërisë, që do të marrë pjesë në javën e punimeve të Sesionit të 78-të të Asamblesë së Përgjithshme te Kombeve te Bashkuara

Kryeson delegacionin shqiptar në Asamblenë e OKB, presidenti Begaj niset drejt SHBA-së! Shqipëria drejtuese e Këshillit të Sigurimit

Presidenti Bajram Begaj

Java e ardhshme është e rëndësishme për Shqipërinë në Asamblenë e Përgjithshme të Kombeve të Bashkuara. Presidenti Begaj, Kryeministri Rama dhe ministri i ri i Jashtëm Hasani do të jenë në Neë York për takime dhe aktivitete të nivelit të lartë.

Kreu i shtetit, Begaj u nis këtë të diel drejt SHBA, ku do të kryesojë delegacionin shtetëror shqiptar në Asamblenë e Përgjithshme të OKB-së që nis punimet më 20 shtator, ndërsa do të mbajë edhe fjalën e tij.

Gjithashtu, Presidenti Begaj, do të marrë pjesë në Forumin e Nivelit të Lartë Politik për Zhvillimin e Qëndrueshëm si dhe pritet të zhvillojë takime dypalëshe me krerë të tjerë shtetesh dhe zyrtarë të lartë amerikanë, por edhe me përfaqësues të shoqatave të diasporës shqiptare në SHBA.

Në OKB, Shqipëria do të drejtojë dy takime të rëndësishme, takimin për bashkëpunimin për shpërndarjen e shpejtë dhe efektive të ndihmave humanitare kudo në botë në kohë krizash, në situata lufte, apo në situata katastrofash natyrore.

Në diskutimin e dytë të rëndësishëm, pritet të marrë pjesë edhe presidenti i Ukrainës Volodimir Zelensky, për shkak se aktiviteti do t’i dedikohet luftës në Ukrainë, ku pjesëmarrësit do të përfshihen në një debat të hapur.

Shqipëria e mori për herë të parë Presidencën në Këshillin e Sigurimit të Kombeve të Bashkuara në periudhën 1 qershor – 30 qershor 2022. Vendi ynë u zgjodh anëtarë e përkohshme e institucionit më të rëndësishëm të sigurisë në glob me votë thuajse unanime nga Asambleja e Përgjithshme për një mandat i cili filloi në janarin e vitit 2022 dhe përfundon në fund të 2023.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Aliu: 17/09/2023 15:53

    Keta e kan mendjen te ikin ne New York ti thua sqaroheni

    Përgjigju
  • Kistra: 17/09/2023 14:38

    Sqarojeni, ne Asamble do flase Presidenti, ndersa punimet e KS do t'i drejtoj Kryeministri.

    Përgjigju
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Atentati në Vlorë ku u vra Kristian Marku, shoqërohet Saimir dhe Martin Reçi! Në mars 2023 viktima qëlloi makinën e blinduar të njërit prej tyre

Atentati në Vlorë ku u vra Kristian Marku, shoqërohet Saimir dhe Martin Reçi! Në mars 2023 viktima qëlloi makinën e blinduar të njërit prej tyre

14 Janar, 11:11