POP 5

Lajmet më të lexuara të 5 minutave të fundit

Politikë

Kryetari i Ballit: Meta gafë me SHBA-BE-në, po godet shtëpinë ku duam të shkojmë! Duhet një datë e re për çlirimin

Meta deklaroi se nuk ka ligj për këtë cështje, por Roshi u shpreh se kjo është mjaft e qartë, pasi referendumi organizohet nga KQZ-ja

TIRANE- Artur Roshi, Kryetari i Ballit Kombëtar i ftuar në studion e Report Tv i dha të drejtë Presidentit Ilir Meta për iniciativën e realizimit të referendumit. E ndërsa Meta deklaroi se nuk ka ligj për këtë cështje, Roshi u shpreh se kjo është mjaft e qartë, pasi referendumi organizohet nga KQZ-ja. "Unë e shoh si një të drejtë të cdo kujt, që mund të marrë një iniciativë apo të ketë një platformë, aq më tepër Presidenti. Ai merr shkas nga cenimi i të drejtave të tij kushtetuese. Njëra palë është presidenti me opozitën dhe pala tjetër shumica. Iniciativa është e ligjshme dhe normale,referendumi organizohet nga KQZ-ja" tha ai. Ndërkohë që Roshi doli kundër gjuhës së Presidentit për ndërkombëtarët, SHBA-BE-në. "Nuk jam dakord me Presidentin që të kundërshtojë cdo aktor ndërkombëtar sado skajor të duket ai. Nuk duam të godasim shtëpinë ku duam të shkojmë, të integrohemi. Nuk duhet anatemuar SHBA-ja, vendi që shpërndanë lirinë. Nuk duhet të bëjmë gafa me njerëzit që predikojnë lirinë në botë" tha ai.

Në fund ai iu rikthye debatit për portretet me figurat që janë vendosur në bulevard, ndërsa theksoi se duhet të ketë një datë të re për çlirimin e vendit nga nazi-fashizmi, pasi 29 Nëntorin e ka Serbia.  "Në bulevard u ka rënë në sy të gjithëve mënyra skematike e artit komunist disa foto të varura, një gjest vulgar, nuk tregon qytetari, as art, por e keqja është te thelbi. Aty ka njerëz që jo vetëm të thënë nga unë në mënyrë politike, por edhe qasjet e historianëve. Aty ka njerëz që janë vrarë në luftën e Spanjës dhe jo LANÇ-it. Improvizimi i nënës Shqipërisë me simbolin, yllin komunist. Jemi duke ndërtuar socializmin apo kapitalizmin. Unë them që është tregu i lirë, shtylla kryesore e kapitalizmit. Më të cenuarit jemi ne, pasardhësit e Mitat Frashërit. Pse nuk zihemi për historinë e artit apo poezisë, është shumë e qartë, historia politike sjell produkt politik, që përkthehet në pushtet. Të rrëmbejë çlirimin e vendit vetëm një forcë... Pse duhet mbajtur 29 nëntori, është datë e çlirimit të Jugosllavisë, pse duhet ta kemi ne? Nuk mundemi ne të gjejmë një datë tjetër, qoftë edhe të re, të mos ketë lidhje me asgjë, historinë e Skënderbeut" përfundoi ai.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lui: 23/11/2019 18:55

    Ore akoma vazhdoni me daten ju..?! E para daten e kane vendosur historianet te mbeshtetur ne dokumenta shqiptare edhe gjermane. E dyta, historine e bejne fitimtaret.. Ju ne rastin me te mire, nuk luftuat. Ne rastin e keq, keni qene bashkepunetore te pushtuesit nazifashist. Dhe per bashkepuntoret ne te gjithe Europen kishte vetem nje vendim, njelloj si me armikun, denim me vdekje. Dhe kete e keni me dokumenta ne cdo shtet europian qe kishte te tille. Prandaj ne vend qe te kerkoni “qiqra ne hell”, do benit mire te benit nje reflektim dhe pse jo te kerkoni falje..

    Përgjigju
  • Emigrant: 23/11/2019 15:39

    Ky ballisti nuk e kupton qe ne AMERIKE punohet dhe paguan taksat dhe jete politike eshte zero

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sondazhi i Report Tv, Namir Lapardhaja: PS ka rritje, prej 'luftës civile' në PD! Partitë e reja të gjejnë forcë të bashkohen rreth euro-atlantizmit

Sondazhi i Report Tv, Namir Lapardhaja: PS ka rritje, prej 'luftës civile' në PD! Partitë e reja të gjejnë forcë të bashkohen rreth euro-atlantizmit

26 Dhjetor, 13:56