Ktheu banesën në bazë për furnizimin e grupeve kriminale, Gjykata e Lezhës lë në burg Aleks Lulashin

Gjykata e Lezhës ka caktuar masën e sigurisë arrest me burg për 40 vjeçarin Aleks Lulashi i cili u arrestua të martën (5 dhjetor) nga policia e Lezhës pasi banesa në pronësi të tij ishte kthyer në bazë për grupet kriminale për furnizimin me automjete të vjedhura. Ashtu si dhe gjatë marrjes ne pyetje ne polici, 40-vjeçari mësohet të ketë mohuar të ketë lidhje me grupet kriminale duke deklaruar se sendet e paligjshme i shiste dhe i blinte. 

Shtëpia bazë furnizimi me mjete për grupet kriminale me qëllim kryerjen e krimeve u zbuluar nga policia mëngjesin e 5 dhjetorit 2023 në kuadër të operacionit "Sundimi i ligjit" si rezultat i hetimeve të thelluara që po kryhen intensivisht për të zbardhur ngjarjet e rënda kriminale të ndodhura së fundi në territorin e Qarkut të Lezhës.

Gjatë kontrollit u gjetën dhe sekuestruan 1 automjet tip "Mazda", me ndërhyrje dhe me dëmtime në strukturën e tij, për të pamundësuar përcaktimin e të dhënave të automjetit, 5 motomjete me fuqi të lartë motorike, të dyshuar të vjedhur, 4 palë targa, për automjete dhe motomjete, të dyshuara të vjedhura në qytete të ndryshme të Shqipërisë dhe në Kosovë. Po ashtu u sekuestrua edhe 400 gramë lëndë e dyshuar eksplozive, me fitil zjarrpërcjellës, e gatshme për shpërthim, kapuçë si maska, doreza dhe skafanda motomjetesh, veshje për kamuflazh, si dhe një sërë sendesh të tjera që do t’i shërbenin kryerjes së ngjarjeve të rënda kriminale.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Karnavalet, rrugët e Shkodrës për tri ditë me parada, kostume e muzikë! 100-vjetori i Sulejman Pitarkës, ‘Rrethimi i vogël’ tek Arkivi! Filmi ‘Batim’ i Mauro Zaçes tek Piramida!

Karnavalet, rrugët e Shkodrës për tri ditë me parada, kostume e muzikë! 100-vjetori i Sulejman Pitarkës, ‘Rrethimi i vogël’ tek Arkivi! Filmi ‘Batim’ i Mauro Zaçes tek Piramida!