Ktheu ligjin për Kodin Zgjedhor/ Meta nga Korça: E vonova se u konsultova me ekspertë ndërkombëtarë! Mazhoranca ta lexojë e të reflektojë

Nga Korça, presidenti Ilir Meta ka argumentuar vendimin se përse ka kthyer në Kuvend ligjin për Kodin Zgjedhor.

"Për t'i dhënë një mundësi mazhorancës që të reflektojë të respektojë marrëveshjen se do mbajë një përgjegjësi kritike jo vetëm për këtë precedent të rrezikshëm në 3 dekada të ndryshimit të rregullave të lojës, por edhe për vonesat e celjes së procesin të negociatave se respektimi i kësaj marrëveshjeje është kusht i BE, përvec kushteve të tjera.

Presidenti është i qetë për arsye sepse presidenti është me një gjatësi ale me popullin shqiptar dhe i gjithë populli pavarësisht nga preferencat partiake apo politike, i mërzitur nga lojërat e tyre kërkon t'i jepet fund kësaj krize artificiale, kësaj mungese skandaloze të legjitimitetit të të gjitha institucioneve dhe në radhë të parë të vetë Kuvendit që kurrë në historinë e tij nuk ka qenë në këtë gjendje dhe populli kërkon paqe, qetësi, integrim Eruopian dhe këto nuk mund të arrihet pa pasur një reflektim në plan afatshkkurtër. Meta ka motivuar, në  mënyrë të qartë është bërë një punim shkencor nga ekspertët e presidentit, por edhe ndërkombëtar për të gjitha standartet që shkel ky kuvend që ka të bëjë me standartet e OSBE, Venecias dhe Kushtetutën tonë, shpresoj që ata të lexojnë të reflektojnë. Presidenti dëshiron që të ketë zgjedhje, të ndjekë edhe ai programet e partie të alternativave të ndryshme, lidhur me situatën e pandemisë, me problemet e taksave, problemet ekonomike dhe presidenti ka vetëm një votë si çdo qytetar që do e hedh në kutinë e fshehtë. Nëse do kemi një këmbëngulje për të dëmtuar zgjedhjet dhe për t'i vendosur një mur për integrimin në BE, presidenti do të jetë me gjithë shqiptarët", tha Meta.

Lajmi kryesor:

Meta kthen ligjin për ndryshimet në Kodin Zgjedhor: Kuvendi nuk ka legjitimitet për Reforma Kushtetuese! I drejtohet 'Venecias' me kërkesën e Bashës

B.K./r.k./Shqiptarja.com

TAG:
• Ilir Meta
• taulant balla
• Kuvendi i Shqiperise
• kodi zgjedhor