'Bashkëqeverisja', Bushka: Nuk shkel autonominë e pushtetit vendor! Kuadër ligjor për të ndihmuar qytetarët

Kryetarja e Komisionit të Ligjeve, Klotilda Bushka ka hedhur poshtë sot argumentet e Presidentit Ilir Meta, i cili ktheu mbrapsht ligjin “Për Bashkëqeverisjen”. Meta argumentoi se ky projektligj shkel autonominë  e pushtetit vendor  dhe Kushtetutën, por sipas Bushkës, një gjë e tillë nuk ndodh për arsye se mekanizmat e parashikuar janë komplementare dhe alternative dhe jo detyruese. Po ashtu ajo theksoi se nuk ka mbivendosje me ligjin për ndërmjetësim, pasi në projektligj, ndërmjetësimin në zgjidhjen e mosmarrëveshjeve është vullnetar, kërkon pëlqimin e palëve.

"Nuk kuptohet se ku është përplasja. Ligji nuk merr përsipër të zëvendësojë parashikimet e kodit të procedurave. Askund nuk tentohet të rregullohen norma apo të krijohen norma të ndryshme. Mekanizmat e parashikuar janë komplementare dhe alternative jo zëvendësuese të statutit të sanksionuar nga kodi. Ne i kemi ezauruar këto diskutime dhe vë re që flasim në parim dhe jo konkretisht se ku është problemi. Nuk ka kundërshti e as mbivendosje me parashikimet e kodit dhe për rrjedhojë nuk cenohen as parimet e dispozitat kushtetuese të përmendura nga Presidenti. Sa i përket çështjes se ligji për bashkëqeverisjen bie ndesh me ligjin për ndërmjetësimin në zgjidhjen e mosmarrëveshjeve, e para ndërmjetësimi sipas ligjit për bashkëqeverisjen është vullnetar, kërkon pëlqimin e dy palëve pjesëmarrësve. Ligji për bashkëqeverisjen e ka të parashikuar që nuk ka ndalim për ndërmjetësim, por është thelbi në këtë parashikim pëlqimi i palëve. Po të ishte detyrueshmëri, mund të vlenin argumentet, pro në këtë rast bie. Ndërmjetësimi nuk mund të kryhet për çështje që për nga përmbajtja janë të panegociueshme dhe ligji ka ndalime. Për zbatueshmërinë është e qartë që sa kohë palët kanë rënë dakord me vullnet, efektshmëria duhet të jetë e tillë që t'i shërbejë palët dhe  do të jetë titull ekzekutiv. Për qarkullimin e dokumenteve. Nuk mendoj që jemi në mbivendosje të kompetencave. Agjencia nuk shqyrton një çështje që është në gjykim nga gjykata, nuk ka asnjë dispozitë të ligjit që të bie ndesh me këtë, ky do ishte problemi. Nuk ndërhyhet në autonominë vendore. Kjo çështje ka rëndësi për përmirësimin e dhënies së shërbimit nga administrata dhe fuqizimin e qytetarit. Nisma të tilla janë pozitive dhe duhet të jemi të kujdesshëm mos të bien ndesh me ato që janë në fuqi dhe ligji e bën këtë, nuk ka përplasje", tha ajo.

Lajmi kryesor:

'Bashkëqeverisja', Komisioni i Ligjeve rrëzon dekretin e Metës! Presidenca: Centralizim pushteti! Ministrja: S'ka kundërshti

TAG:
• Ilir Meta