POP 5

Lajmet më të lexuara të 5 minutave të fundit

Sociale

Drejt Punës

Lajme nga emisionet

‘Ku do vesh mes bajgave?’ La Italinë për Lushnjën, fermeri entuziast: Merrem me mbarështimin e rosave, këtu është relaks! Fillimisht s'pata mbështetje

Për Ardjan Bakiun zhvendosja nga Italia në vendlindjen e tij në Lushnjë, ishte vendimi më i mirë që ka marrë ndonjëherë. Në fshatin Mizë ku ka nisur jetën nga e para, fermeri merret me mbarështimin e peshqve dhe rosave. 

“Këtu i thua stop stresit, është relaks nga ana mendore”.

Ka rinisur jetën nga e para në Lushnje. Për Ardjan Bakiun, zhvendosja nga Italia në vendlindje, ishte vendimi më i mirë që ka ndërmarrë ndonjëherë. Prej 3 vitesh merret me mbarështimin e peshqve dhe rosave në fshatin Mizë.

“Në fillim ishte peshku si prioritet. Ngaqë do i hidhnim misër peshkut, menduam të mbarshtonim rosat, t’ua hidhnim atyre dhe të bënim riciklim; sepse peshku rritet dhe me glasë. Fillimisht bleva 100 rosa. Periudha e mbarështimit zgjat deri në fund të prillit”, tregon Ardjani për iniciativën e re.

Vendimi i tij nuk u mbështet fillimisht nga familjarët, të cilët vendosën të qëndronin në Torino, Itali. Megjithatë, Ardjani i viziton shpesh. Shpreson që në një të ardhme, kur të kthejë këtë hapësirë në agroturizëm, t’i punësojë ata në Shqipëri.

“Kur e mora në fillim asnjë nuk donte. Me thonin ku do vesh mes bajgave, por avash avash u ambjentuan. Tani i ka hyrë në qejf”, tregon më tej.

E nisi gjithçka nga zero. Çdo kursim e investoi këtu, ndonëse nuk kishte njohuri rreth punëve të fshatit. Tashmë është bërë profesionist, madje ka arritur të përthithë informacionet e nevojshme që i duhen për t’u cilësuar i suksesshëm në këtë fushë.

“Vij që në 7 të mëngjesit tek ferma. Me kalimin e kohës mësohesh, të mëson puna sepse e bën njëherë gabim, do ta bësh herën e dytë mirë. Rosa cilësore vete 1,3-1,4 kg.   Nuk vete më e shëndoshë se nuk e lë uji. Rosa ka disa gjendra dhjamore që në ujë i shkrihen kurse po t’i rritësh në tokë ato vijnë erë, mbushen me dhjamë, nuk pjellin vezë”, shprehet Ardjani.

Emisionin “Një nga ne” mund ta ndiqni çdo të mërkurë, ora 20:00 në ekranin e Report Tv.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Keci: 18/01/2024 09:26

    Ej si mund të nisesh diçka e të jesh i suksesshëm pa patur njohuri?! Me së paku ka lexuar ca libra apo ka dëgjuar nga dikush diçka, të tipit p.sh. peshqit ushqehen me gjasa.

    Përgjigju
  • Novara: 18/01/2024 00:06

    Bravo te qufte. Pac gjithmon te mira e zoti te dhente force ta realizosh ate agriturizmin se vertet vendi qenka super.

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Vuçiç: Sa të jem unë president, nuk do ta njoh kurrë Kosovën

Vuçiç: Sa të jem unë president, nuk do ta njoh kurrë Kosovën

25 Dhjetor, 21:43