POP 5

Lajmet më të lexuara të 5 minutave të fundit

Sport

Kualifikim dramatik, Interit i duhen 120 minuta për të eliminuar Parmën! Shkëlqen Asllani: Më vjen mirë që ndihmova shokët

Interit i janë dashur 120 minuta lojë për të eliminuar Parmën në 1/8 e Kupës së Italisë. Zikaltërit ia dolën me shumë vështirësi 2-1, ndërsa nga të paktët që mori notë pozitive ishte Kristjan Asllani. Mesfushori shqiptar u shpreh i kënaqur me paraqitjen dhe tha se skuadra besoi deri në fund te kualifikimi

Ka rezultuar tepër e vështirë për Interin përballja me Parmën në Kupën e Italisë. Zikaltërit prenë biletën e çerekfinales vetëm pas 120 minutash lojë dhe rezultatit 2-1, por ishin miqtë ata të cilët realizuan të parët në pjesën e parë. Juric shtangu San Siro-n me një supergol nga jashtë zone.

Kampionët në fuqi të Kupës së Italisë rrezikuan shumë të eliminoheshin, por në minutën e 88 Lautaro Martinez falë edhe një devijimi gjeti baraspeshën. Nga ky moment skuadra e Inzaghit u rrit edhe në lojë, por kjo nuk mjaftoi që ndeshja të mbyllej brenda 90 minutave. Në shtesë dhe konkretisht në minutën e 110 Acerbi ndëshkoi për herë të dytë në këtë ndeshje 44-vjeçarin Buffon, duke realizuar një gol të pazakontë me kokë. Në turin tjetër Inter do përballet me fituesin e çiftit Atalanta-Spezia.

Për t’u evidentuar fakti se dy golat e Interit në këtë ndeshje kupe u ideuan nga Kristjan Asllani. Mesfushori shqiptar më në fund u aktivizua si titular dhe u tregua vendimtar për zikaltërit. Jo më kot ishte një nga pak lojtarët që I shpëtuan vlerësimit negativ në këtë ndeshje bashkë me Lautaron, Onana-n, Acerbi-n dhe Di Marco-n. Pas ndeshjes Asllani u shpreh se ‘ishin përgatitur për një ndeshje shumë të vështirë’ dhe që ‘i vinte mirë që kishte ndihmuar shokët e skuadrës’.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Greqia thotë se mbështetja e saj për anëtarësimin e Shqipërisë në BE është e kushtëzuar

Greqia thotë se mbështetja e saj për anëtarësimin e Shqipërisë në BE është e kushtëzuar

18 Dhjetor, 16:17