Kualifikimi i mësuesve, më të 
mirët shtesë rroge deri në 2900 lekë

TIRANE - Edhe këtë vit, mësuesit të cilët kërkojnë të marrin shtesë në pagë, duhet të japin provimimin e kualifikimit. Këtë provim e japin mësuesit të cilët kanë të paktën 5 vjet që punojnë në arsim. Sipas Ministrisë së Arsimit provimi i kaulifikimi do të jepet në muajin shkurt, për të gjitha ata të cilët kërkojnë të fitojnë një kategori më të lartë. Ligji për arsimin parauniversitar përcakton tri kategori kualifikimi, “Mësues i Kualifikuar”, ata mbi 5 vjet punë, “Mësues Specialist”, më shumë se 10 vite punë dhe kategoria “Mësues Mjeshtër” që kanë më shumë se 20 vite pune. Një mësues që merr kategorinë e parë, pas provimit, përfiton shtesë prej 700 lekësh të reja në pagë, një mësues i kategorisë së dytë merr 1450 lekë shtesë dhe mësuesit mjeshtër përfitojnë rreth 2900 lekë shtesë në pagën e tyre mujore.