Kombëtarja shqiptare e futbollit zyrtarisht është në Europianin 2024. Për herë të parë në histori kuqezinjtë e mbyllën grupin kualifikues në vendin e parë (15 pikë), duke lënë pas emra si Çekia dhe Polonia. Tanimë e gjithë vëmendja është e përqëndruar në Gjermani, ndërsa forma e mirë e ekipit ka futur në telashe Federatën Shqiptare të Futbollit.
Gjithçka lidhet me të ardhmen e trajnerit Sylvio Mendes Campos Júnior. Sylvinho ka kontratë me FSHF-në deri më 31 korrikun e 2024. Me Europianin e Gjermanisë që luhet nga 14 qershori - 14 korrik, 49-vjeçari nga Brazili mund të jetë në krye të ekipit edhe pa kontratë, kjo nisur nga ecuria e ekipit në fazën finale të Euro 2024.
Veç këtij formaliteti që duket një "kleçkë" që merr zgjidhje, e ardhmja e trajnerit ka futur në mendime drejtuesit e Federatës. A e dëshirojnë ata një rinovim me trajnerin? Sigurisht që po. Pyetja që duhet të shtohet është se a dëshiron Sylvinho të vijojë të jetë pjesë e Kombëtares kuqezi?
Për të qenë realist, trajneri është në fazën e parë të karrierës dhe ecuria me Kombëtaren tonë ka qenë më e mira që ai ka bërë. Sylvinho mund ta përdorë arritjen e suksesit si një "trampolinë" për të siguruar ndonjë kontratë në kampionatet më prestigjoze të Evropës, ku për të thënë të drejtën ka një karrierë të pasur si futbollist dhe lidhjet në botën e menaxhimit nuk mungojnë.
Dikur pjesë e Corinthians, Arsenal, Celta Vigo, Barcelona dhe Manchester City, si lojtar Sylvinho ka luajtur në kampionatet "top" të Evropës dhe është mëse normale që ofertat e ndryshme t'i "prishin mendjen" trajnerit.
Egoja e tij personale në këtë pikë të karrierës nuk mund të jetë të stërvisë vetëm pak ditë dhe dëshira padyshim do jetë një punë e përditshme me anën taktike dhe teknike.
Nëse FSHF-ja do arrijë të bindë Sylvinhon për një rinovim edhe për kualifikueset e Botërorit, kjo mbetet të shihet në muajt e ardhshëm, teksa nëpër klubet evropiane ideja për ta pasur në stol pas këtij suksesi nuk mungon. E sigurt është se nënshtetësia shqiptare nuk do ketë fuqinë për ta mbajtur Sylvinhon në krye të kuqezinjve, nëse atij do i oftohet një projekt diku në Premier League, Serie A apo La Liga.
Lajme të tjera
-
Votat e Shqipërisë për 'The Best'! Sylvinho zgjedh brazilianin e Realit, Gjimshiti nderon legjendën e Gjermanisë
18 Dhjetor, 11:52 -
U plagos gjatë përleshjes ku u vra Martin Cani, FSHF i ofron fizioterapi dhe trajtim të specializuar 14-vjeçarit: Do mbulohen të gjitha shpenzimet!
18 Dhjetor, 09:57 -
E konfirmojnë në Itali, Juventusi futet në garë për Cristian Shpendin! Vëzhgues në disa ndeshje
16 Dhjetor, 17:02 -
Komiteti Ekzekutiv i UEFA-s mban mbledhjen e fundit për vitin 2024, të gjitha vendimet që u morën
16 Dhjetor, 15:20 -
Evropiani U-21 mes Shqipërisë dhe Serbisë, UEFA s'e shqyrton çështjen! Burime: Është shtyrë në shkurt
16 Dhjetor, 14:07
-
Superliga/ Teuta 'i fik dritat' Egnatias, i mposht 2-1 dhe i heq mundësinë e kreut! Skënderbeut 2-2 ndaj Bylis, Dinamo kryeson pas gjysmës së sezonit
15 Dhjetor, 18:48 -
Ikin dritat në stadiumin e Durrësit, Teuta - Egnatia ndërpritet për pesë minuta
15 Dhjetor, 17:20 -
Bëma nga Kategoria e Tretë, miqtë braktisin ndeshjen dhe gjithë ekipi ndëshkohet me karton të verdhë
15 Dhjetor, 16:41 -
Superliga/ Tirana në pikë të hallit, Dinamo e mposht 2-1 në derbi dhe merr kreun! AF Elbasani ndal 2-2 Partizanin në kryeqytet, Vllaznia fiton kundër Laçit
14 Dhjetor, 21:08 -
Botërori 2026/ Përballja kundër Shqipërisë, Serbia pa tifozë në Tiranë (VIDEO)
14 Dhjetor, 20:14 -
Kualifikueset e Botërorit 2026, Rraklli për Report TV: S'e doja këtë short, Sylvinho të bëjë ndryshime! Leci: Serbia mendjen për telashe, Kosova e ka vështirë
14 Dhjetor, 16:00 -
Kushtet atmosferike, shtyhen tre ndeshje në Kategorinë e Parë
14 Dhjetor, 15:06
