KUKËS - Policia e Kukësit ka ndaluar sot shoferin e një furgoni pasi ishte duke transportuar 7 makineri të lojërave të fatit.

Burime nga policia lokale e qytetit verilindor, kanë bërë të ditur se, rreth ores 01.00 duke gdhirë dita e sotme në lagjen numër 1 të qytetit, është ushtruar kotroll në një furgon mallrash me targa AA717 BE, që drejtohej nga B. Uka.

Gjatë kontrollit të ushtruar janë gjetur 7 makineri të lojërave të fatit. Drejtuesi i mjetit është shoqëruar për në polici, ndërsa makineritë janë bllokuar.

Policia po punon për të gjetur origjinën e këtyre makinerive dhe destinacioni e tyre.
 
Redaksia online
(ac/shqiptarja.com)