Këtu përfundon aventura e Kukësit dhe Skënderbeut në kompeticionin e Evropa Leagues. Dy ekipet shqiptare nuk arritën që të kalonin në fazën tjetër, pasi u eliminuan nga Trabzonspori dhe FC Chornomorets Odesa duke prerë në mes ëndrrën. E ndërsa fati i Kukësit thuajse ishte i përcaktuar pas humbjes në Tiranës, humbi edhe në Turqi me rezultatin 3-1.

Ndërsa në Tiranë u zhvillua një nga mbrëmjet më dramatike të futbollit shqiptar. Skënderbeu e nisi mjaft mirë ndeshjen përballë ekipit të FC Chornomorets Odesa
duke shënuar një super gol në minutën e 18’ me anë të Ribajt pas një aksioni shumë të shpejtë të nisur nga mesfusha nga këmbët e nigerianit Orelesi. Në minutat në vazhdim të pjesës së parë Skënderbeu tentoi edhe disa herë që të gjente rrugën e rrjetës, por pa rezultat, pasi para portës nuk u treguan të saktë, ndërsa mbrojtja ishte në ditët më të mira, me në krye Shehin që ishte i pakalueshëm.

Në pjesën e dytë gjithçka nisi aty ku mbaroi pjesa e parë me sulme dhe kundërsulme të shpejta, por asnjë nga ekipet nuk arrti të dërgonte topin në rrjetë. Me përfundim e ndeshjes 1-0 gjithcka kaloi në shtesë, pasi edhe ndeshja e parë kishte përfunduar me këtë rezultat. Nga pika e bardhë e penalltisë ekipi i FC Chornomorets Odesa
u tregua më i saktë duke dërguar në rrjetë 7 gjuajtje, ndërsa Skënderbeu 6. Për ekipin e Skënderbeut nga pika e bardhë gabuan Radas, Orelesi dhe Nimaga. Ndërsa Shehi arriti që të priste dy penallti, por në fund Ceremontes kaloi në fazën e grupeve. Megjithatë Skënderbeu dhe Kukësi kanë zhvilluar një edicion të jashtëzakonshëm duke thyer cdo rekord të futbollit shqiptar në Evropë.