Kukës, AKU bllokon 52kg mish pa vulë e certifikate veterinare

AKU-ja vazhdon kontrollin për parandalimin e shitjes së produkteve pa vulë dhe jashtë standarteve të kërkuara. Përmes një deklaratë për mediet, Autoriteti Kombëtar i Ushqimit ka njoftuar, se pas një inspektimi e kontrolli të ushtruar në një pikë tregtare mishi, ka  bllokuar ditën e sotme në qytetin e Kukësit 52 kg mish viçi dhe qengji pa vulë, dhe në mungesë të certifikatës veterinare.

Trupa inspektuese e Drejtorisë Rajonale Kukës, në bashkëpunim me Drejtorinë e Përgjithshme, kanë bllokuar 52 kg mish përkatësisht 22 kg mish qengji, 20 kg mish viçi dhe 10 kg kokë qengji, në një pikë tregtimi mishi në pronësi të Fadil Elezit, në rrugën Dituria lagjja nr. 5 në qytetin e Kukësit, pa vulë dhe i pashoqëruar me certifikatë veterinare.

LEXO EDHE:
Zgjedhjet në Kukës, Manja: Të dielën korrim fitoren, Emiratet gati të financojnë turizmin malor në Shishtavec! Opozita: Kriminel elektoral

Gjatë inspektimit, është konstatuar se ky subjekt rezultonte me statusin i pezulluar në sistemin e Qendrës Kombëtare të Bizneseve. Për mungesë të vulës dhe certifikatës veterinare, ndaj subjektit është marrë masa administrative me gjobë në vlerën 100.000 lekë.

( Mishi i bllokuar nga AKU )

Gjithashtu, për arsyen se subjekti ka vazhduar aktivitetin, ndërkohë që në QKB rezulton i pezulluar, për ushtrim aktiviteti të paregjistruar, në kundërshtim me Ligjin “Për përcaktimin e rregullave për therjen e kafshëve dhe tregtimin e mishit të tyre” është marrë masa administrative me gjobë në vlerën 100.000 lekë.

( Mishi i bllokuar nga AKU )

Autoriteti Kombëtar i Ushqim inkurajon të gjithë qytetarët të denoncojnë çdo rast therjeje apo tregtimi jashtë standardeve, për të parandaluar çdo tentativë abuzimi, pranë Autoritetit Kombëtar të Ushqimit në [email protected] si dhe pranë portalit të bashkëqeverisjes “Shqipëria që duam” Siguria Ushqimore është një sfidë e përbashkët.

TAG:
• Kukes
• aku
• bllokim mishi
• Fadil Elezi

Sondazhi i ditës:

U shkon mbi 600 mijë në muaj, a duhen rritur pagat e Kushtetueses?

• Po

  22.8%

• Jo

  69.9%

• Nuk e di

  7.3%

Vota total: 439

• Sondazhi i ditës:

  U shkon mbi 600 mijë në muaj, a duhen rritur pagat e Kushtetueses?

  Po Jo Nuk e di